Rýhanııat • 03 Qyrkúıek, 2020

О́ńirlerde Ulttyq qolóner ortalyqtary ashylady

54 ret kórsetildi

Mádenıet jáne sport vıse-mınıstri Nurqısa Dáýeshov Úkimettiń baspasóz ortalyǵynda ótken brıfıng aıasynda 2020 jylǵy 1 qyrkúıektegi Prezıdenttiń Qazaqstan halqyna arnaǵan Joldaýyn iske asyrý boıynsha josparlanǵan sharalar týraly aıtyp berdi, - dep habarlaıdy Egemen.kz Premer-Mınıstrdiń baspasóz qyzmetine silteme jasap.

Memleket basshysy Qasym-Jomart Toqaev 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna arnaǵan Joldaýynda buqaralyq sporttyń damýyna erekshe nazar aýdardy. Qarjy tapshylyǵy jaǵdaıynda, kásibı sport klýbtaryn tolyǵymen memleket esebinen ustaýdyń maǵynasy joq ekendigi atap ótildi. О́ńirlerde sport seksııalaryn ashýǵa jáne balalardyń sporttyq jáne shyǵarmashylyq áleýetin damytýǵa basymdyq berilip otyr. 

«Bul máseleni sheshý úshin 2020 - 2025 jyldarǵa arnalǵan dene shynyqtyrýdy jáne buqaralyq sportty damytýdyń keshendi jospary aıasynda is-sharalar júzege asyrylatyn bolady, onda bilim berý uıymdarynda tegin sport seksııalaryn ashý, mektep oqýshylary men stýdentterdiń sporttyq lıgalaryn qurý, mektepterdi sporttyq quraldarmen jáne jabdyqtarmen qamtamasyz etý qamtylady», — dedi N. Dáýeshov.

Búgingi tańda elimizde dene shynyqtyrý jáne sportpen júıeli túrde 5 mln astam adam aınalysady, bul el halqynyń 30,6%-yn quraıdy.  Keshendi josparǵa saı bul kórsetkishti 2025 jylǵa deıin 7,5 mln adamǵa deıin nemese 45% jetkizý kózdelgen. Jalpy, vıse-mınıstrdiń aıtýynsha, búginde elimizde deni saý urpaq qalyptastyrý maqsatymen balalar men jasóspirimder úshin jaǵdaı jasalyp keledi. Mysaly, 2019 jyly 11 jańa balalar men jasóspirimderge arnalǵan sport mektebi ashyldy. Elimizde balalar men jasóspirimderge arnalǵan 477 sport mektebinde 350 myńnan astam balalar men jasóspirimder sport túrlerimen shuǵyldanady. Bul rette atalǵan sport mektepterindegi seksııalar tegin ótkiziledi. Memleket basshysy balalar energııasyn durys arnaǵa baǵyttaýdyń mańyzdylyǵyn atap ótti. Bul úshin balalar men jastardyń shyǵarmashylyq áleýeti maqsatynda óńirlerde ulttyq qolóner ortalyqtaryn ashý josparlanýda, onda jas urpaq ókilderi shyǵarmashylyq jáne qolóner negizderin meńgeretin bolady.

«Búgingi tańda osyndaı keshenderdiń biri Jambyl oblysyndaǵy «Shahrestan» ortalyǵy bolyp tabylady. Budan basqa, Túrkistan qalasyndaǵy Halyqaralyq týrızm jáne qonaqjaılylyq ýnıversıteti kesheniniń bazasynda qolóner ortalyǵyn ashý josparlanýda. Osy ortalyqtardyń jumys isteý tájirıbesin zerdelegennen keıin el óńirlerinde qolóner ortalyqtarynyń jelisin keńeıtý boıynsha odan ári jumys júrgiziletin bolady», — dedi N. Dáýeshov.

Balalardy shyǵarmashylyqqa jappaı tartýdyń osyndaı qaǵıdaty boıynsha respýblıkalyq jáne jergilikti deńgeıdegi mádenıet uıymdarynda shyǵarmashylyq úıirmeler qurýǵa bastamashylyq jasalady. Bul balalardy damytý maqsatynda bos ýaqyttaryn tıimdi paıdalanýdy qamtamasyz etip, talantty balalardy erte kezeńde anyqtaýǵa yqpal etedi. Sonymen qatar, mádenıet jáne óner uıymdarynda eresektermen belsendi ózara is-qımyl jasaý úshin qajetti jaǵdaılar iske asyrylady. Osy maqsattar úshin eń aldymen Mádenıet jáne sport mınıstrligi mádenıet uıymdaryna osyndaı quqyq berý jónindegi qoldanystaǵy zańnamaǵa túzetýler engizýge bastamashylyq etýdi josparlaýda.

Sondaı-aq, Joldaýda muǵalimderdiń ál-aýqatyn arttyrýǵa jáne 2021 jylǵy 1 qańtardan bastap olardyń jalaqysyn 25%-ǵa arttyrýǵa nazar aýdaryldy. Bul baǵytta Mádenıet jáne sport mınıstrligi tıisti jumystar júrgizip jatyr. Máselen, 2020 jylǵy 1 qańtardan bastap mádenıet jáne sport salasyndaǵy mamandandyrylǵan mektepter men kolledjder qyzmetkerleriniń jalaqysy 2023 jylǵa deıin jyl saıyn 25%-ǵa ulǵaıatyn bolady. Búginde QR Parlament Májilisinde buqaralyq sportty damytýǵa baǵyttalǵan zań jobasy qarastyrylyp jatyr. Qujattyń aıasynda memlekettik bilim berý uıymdarynyń pedagogtaryna sabaqtan tys sport sabaqtaryn júrgizgeni úshin bazalyq laýazymdyq jalaqynyń 100% mólsherinde qosymsha aqy engizý máselesi pysyqtalýda.

«Memleket basshysynyń Joldaýynda atalyp ótken strategııalyq baǵdarlardy sapaly jáne ýaqytyly oryndaý úshin mınıstrlik tarapynan barlyq tıisti sharalarar qabyldanatyn bolady», — dep túıindedi R. Dáýeshov.


Sońǵy jańalyqtar

Bar úmitimiz Almat Kebisbaevta

Sport • Búgin, 16:45

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Uqsas jańalyqtar