Basqarma qyzmetkerlerine ormanda jumys istep júrgen Qyzyljar aýdanynyń 26 jastaǵy turǵynynda tirkelmegen atys qarýy bolýy múmkin degen aqparat túsken. Tekseris kezinde atalǵan aqparat rastaldy, odan tirkelmegen eki tegis uńǵyly shúrippeli myltyq tabylady. Budan basqa salmaǵy 0,7 kg keptirilgen qarasora partııasy tárkilendi. Dál sol kúni Novonıkolskoe aýylynda atalǵan jumysshynyń 51 jastaǵy ákesi turatyn úıdiń qoımasynda polıseıler "TOZ-8" markaly tirkelmegen oıyqty sholaq myltyqty tapty. Ustalǵandar buryn sottalmaǵan, jaýap alý kezinde olar myltyqty jýyrda taýyp alǵandaryn jáne ony qajet bolyp qalar degen oımen saqtaǵanyn aıtqan.
Atalǵan fakti sotqa deıingi tergep-tekserýdiń biryńǵaı tizilimine engizildi. Alynǵan zattar sot-ballıstıkalyq jáne sot-hımııalyq saraptamasyna jiberildi. Endi olardyń basqa qylmystarǵa qatystylyǵy anyqtalady. Ákeli-balaly turǵyndarǵa qatysty kelýge mindettelý túrindegi bultarptaý sharasy taǵaıyndaldy. Qajetti tergeý jáne prosessýaldyq áreketter júrgizilýde.
Soltústik Qazaqstan oblysy,
Qyzyljar aýdany
