Taıfýn boljanǵan ýaqyttan erte bastalǵan. Fabrıkalar men mektepterdiń, túrli kásiptiń jabylýyna ákeldi. Japonııa boıynsha júzdegen áýe jáne temir jol reısi toqtatyldy. Japonııa úkimeti jedel shtab uıymdastyryp, tabıǵı apat saldaryn joıýǵa kirisip ketti.
Memlekettiń meteorologııalyq uıymy atalǵan taıfýn osynshalyq myqty bolady dep josparlanbaǵanyn aıtady. Alaıda apattyń zardaby aýyr bolǵany anyq. О́ıtkeni odan keıingi jańbyrdyń kólemi tym kóp. Tabıǵı apattar boljam agenttiginiń basshysy Ioshıhısa Nakamoto taıfýnnyń teńiz deńgeıinen tómen, ózen mańynda ornalasqan eldi mekenderdi áýrege salatynyn aıtty.
Júz myńdaǵan adam mektepter men saýda ortalyqtaryndaǵy ýaqytsha shatyrlarǵa kóshirildi. Olardyń kóbi Nagasakıdegi Goto qalasynyń turǵyndary. Atalǵan aımaq taıfýnnan eń kóp zardap shekken jer bolyp otyr.
Ońtústik Koreıanyń Tabıǵı apatqa qarsy jáne qaýipsizdik shtaby taıfýn Koreıaǵa jergilikti saǵat 19:00-de jetedi dep boljaıdy. Koreıanyń Orman qyzmeti halyqty qulaqtandyryp, qajetti sharalardy qolǵa alǵan. Qyzmettiń basshysy Park Chong-ho «Taıfýnnyń kúshi áýelden belgili. Sondyqtan úlken zardaptyń bolatynyn túsinip otyrmyz. Boljamdar osy apattyń mýsson maýsymyndaǵy buǵan deıingi taıfýndardan da kúshti bolaryn dáleldep otyr. Dúısenbide shamamen tańerteńgi ýaqytta Koreıanyń Pýsan qalasyna jetip qalady degen tujyrymdar bar», dedi.
Azamattardy evakýasııalaýmen qatar izdeý jumystary da bastaldy. О́ıtkeni jaýapty vedomstvolar kargo qyzmetkerleriniń, kúzetshilerdiń joǵalǵanyn málimdedi. Ázirshe 43 adam men 6 myńǵa jýyq iri qaranyń joǵalǵany belgili.
