Kútpegen jerden úlken oljaǵa kenelgen qyzmetker kóne kitapty jumys ornyna qushaqtap baryp, áriptesterine kórsetedi. Ujym bolyp tanysyp, qarap shyqqan áriptesteri: "О́te qundy, sırek kezdesetin kitap eken. Muny akademııa bastyǵyna kórseteıik" degen usynys tastaıdy. Osylaısha kıeli kitap basshylyqtyń qolyna tıedi.
Kitapty paraqtap qarap shyqqan akademııa basshysy Nurlan Bıekenov: "Bul shynynda da jaqsy kitap eken ǵoı. Mundaı kitaptar kóp kezdese bermeıdi. Sırek qundylyqtyń biri eken. Muny kýrsanttarymyzǵa tanystyraıyq. Olar da kórsin, oqysyn. Kishigirim tusaýkeserin ótkizeıik. Bul danyshpan Abaıdyń eńbegi ǵoı. Abaıdyń eńbegi búkil halyqqa ortaq. Sondyqtan bul kitaptyń bir úıde nemese bir oqý ornynda qalyp qoıǵany jaramas. Odan da muny oblystyq kitaphanaǵa tartý etsek qalaı bolady?" degen aqyl qosady. Myrzabek sál oılanyp turyp, – Munyńyz jón eken, – dep kóne kitapty oqý ornynyń murajaıyna ýaqytsha saqtaýǵa tapsyrady.
– Bul kitaptyń bir qundylyǵy alǵy sózin Sábıt Muqanov jazǵan eken. Ol da latyn qarpinde. Jınaq negizinde eki tomdyq. Onyń birinshi tomy – bizde tabylǵan kitap. Ekinshi tomy Muhtar Omarhanuly Áýezovtyń alǵy sózimen shyqqan. Ol kitap, ázirshe, qolda joq. Tabylǵan kitaptyń sapasy restavrasııa jasaýdy qajet etedi. Syrty kók tústi juqa matamen qaptalǵan. Muqabalary ajyrap, tozyńqyrap qalǵan. Biraq qaripteri oqýǵa keledi. Jyrtylǵan betteri bar. Basy 19-shy betten bastalady. Sońy 272-shi betten bitken. Jalpy jınaqqa engen óleńder men poemalar tolyq saqtalǵan. Alǵy sózinen biraz bet, odan keıin kitap sońyndaǵy túsiniktemelerden biraz bet joq. Endi osy joq betterin izdep taýyp, tolyqtyryp, kitaptyń kóshirmesin jasap, ózimizge qaldyryp, túpnusqasyn oblystyq kitaphanaǵa tapsyramyz ba degen oıymyz bar, – dedi akademııanyń ishki jáne syrtqy kommýnıkasııalar bóliminiń bastyǵy Qurbanáli Elmuratov.
Taǵy bir aıta ketetin nárse, Myrzabek Tuıǵanovtyń atasy kózi ashyq, kókiregi oıaý, óte bilimpaz, adam bolsa kerek. Ol kisi buǵan deıin de qazaq shejiresin jazǵan kisi eken. Ony belgili aqyn Aqylbek Shaıahmetuly jeke kitap etip bastyryp shyǵaryp beripti.
Joǵarǵy oqý orny qyzmetkerleriniń aıtýynsha, jańa tabylǵan Abaıdyń kóne kitaby oblystyq kitaphana qorynda joq. Qundy kitapqa uly aqynnyń óleńderi men "Eskendir", "Ázim áńgimesi", "Masǵut" poemalary engen. Osy aptanyń sońyna taman akademııada "Til aptalyǵy" ótedi. Sh.Qabylbaev atyndaǵy bilim ordasy sol aptalyqtyń aıasynda Abaı kitabynyń tusaýkeserin de ótkizýdi josparlap otyr. Odan keıin qundy kitap oblystyq kitaphanaǵa tartý etilmek.
