Týrızm • 08 Qyrkúıek, 2020

Ekotýrızmdi damytý tujyrymdamasy tanystyryldy

29 ret kórsetildi

Jýyrda Ekologııa, geologııa jáne tabıǵı resýrs­tar vıse-mınıstri Erlan Ny­san­baev, Mádenıet já­ne sport vıse-mınıstri О́r­ken Bı­saqaev, «Kazakh Tourism» UK» AQ basqarma tóraǵa­sy Erjan Erkinbaev jáne basqa da sarapshylardyń qa­tysýymen ótken ashyq zoom-konferensııasynda kóp­shi­lik nazaryna «Sharyn» mem­lekettik ulttyq ta­bı­ǵı parkin damytý tujyrym­da­masy usynyldy.

Jańa jobany tanystyrý barysynda Ekologııa, geologııa jáne tabıǵı resýrstar vıse-mınıstri E.Nysanbaev qazirgi kezde búkil álemde ekotýrızm óte tanymal bolyp kele jatqanyn atap ótti. О́tken jyly el Úkimetiniń qaýlysymen Qazaqstannyń týrıstik salasyn da­mytýdyń 2019-2025 jyldarǵa ar­nalǵan memlekettik baǵdarlamasy qabyldandy. Baǵdarlamanyń 10 basym baǵytynyń biri – quramynda 4 ulttyq park (Altyn-Emel, Sharyn, Kólsaı kólderi jáne Ile – Alataýy) bar Almaty oblysynyń taý (shańǵy) klasteri.

Sonymen qatar vıse-mınıstr ótken jyly 20 myńnan astam adam kelgen Sharyn ulttyq parkindegi týrıstik ınfraqurylym zamanaýı talaptarǵa saı kelmeıtinin jáne qonaqtarǵa tolyqqandy ári jaıly turýy úshin jaǵdaı jasalǵanyn atap ótti. Osyǵan oraı, Eko­lo­gııa, geologııa jáne tabıǵı re­sýrs­­tar mınıstrligi Mádenıet jáne sport mınıstrligimen jáne «Qa­­zaq týrızmi» UK» AQ-pen bir­lese otyryp, AQSh-tyń halyq­ar­a­lyq tájirıbesin zerdeledi, qu­qyq­tyq bazany, tásilder men tetik­terdi zerttedi, sonymen qatar ekologııalyq týrızmdi damytýdyń negizgi prınsıpterin anyqtady. Halyqaralyq tájirıbeni eskere otyryp, ulttyq parkterde eko­lo­gııalyq týrızmdi damytýdyń tujy­rymdamalyq tásilderi bel­gilendi.

Onlaın jıynda týrıstik ba­ǵyttar men joldardy damytýǵa ba­sa nazar aýdarylady, sonymen qatar jeńil qurylymdardy qoldana otyryp, kúrdeli qurylystarsyz zamanaýı saparlaý ortalyqtaryn, glempıngter, kempıngter, etnoaýyl­dar men karavanıngter qurý josparlanyp jatqany belgili boldy. Bul tabıǵı ortadaǵy kúızelisterden aýlaq bolýǵa, qyzmet kórsetý sapa­syn qamtamasyz etetin biryńǵaı tý­rıstik ónim qurýǵa múmkindik beredi.

E.Nysanbaevtyń aıtýynsha, Sha­ryn ulttyq parkinde jeke ınves­tısııa tartý arqyly qazirgi za­manǵy 2 kelý ortalyǵyn ornalastyryp, 4 jaıaý týrıstik marshrýt­ty uıymdastyrý, túnemelik oryn saılaý, sonymen qatar etno­aýyl qurý, 3 kórý alańy, glempıng alańdary, kempıngter, kerýen alań­dary, ta­maqtaný oryndary men kádesyı ónimderin satý oryndaryn ornatý belgilenýde. Sonymen bir­ge shat­qaldaǵy re­krea­sııalyq júk­temeni azaıtý úshin tý­rısterge qyz­met kór­setetin barlyq nysandardy shat­­qaldardyń syrtynda ornalas­tyrý arqyly ekotýrızmdi damytý josparlanǵan.

Eger joba kópshilik tal­qy­laýynan keıin qabyldansa, jospardy iske asyrý úshin ashyq konkýrs arqyly bolashaq ınvestorlardy tartý kóz­deledi. Sonymen birge Ekologııa mı­nıstrligi buǵan deıin birneshe ret atap ótkendeı, ulttyq parkterdiń jerleri Qazaqstan Res­pýblıkasynyń zańyna sáıkes, memleket menshiginde tolyqtaı qala otyryp, jeke tul­ǵalardyń ıeligine eshqandaı jaǵ­daıda berilmeıdi. Investor óz min­dettemesin oryndamasa, týrızmdi damytý úshin bólingen jerler kez kelgen ýaqytta kelisimshartty buzý múmkindigimen ýaqytsha paıdalanýǵa beriledi.

Sonymen qatar tusaýkeser aıasynda E.Nysanbaev, EGTRM Eko­lo­gııalyq retteý jáne baqylaý ko­mıtetiniń tóraǵasy Zulfyhar Jol­dasov, son­daı-aq Ulttyq park­tiń ókilderi jurt­shylyqtyń su­raqtaryna jaýa­p berdi. Barlyq kó­terilgen másele, es­kertý men usynys jobany ári qaraı daıyndaýda eskeriletin bolady.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar