– Santıtarlyq normalarǵa sáıkes ulttyq komandamyzdyń barlyq músheleri jıynǵa keler aldynda jáne osy jerde koronavırýske test tapsyrdy. Alǵashqy aptada Talǵarda ashyq aspan astynda jattyǵamyz. Odan keıin jıynymyzdy aıtýly aýdan aýmaǵynda qonys tepken Olımpıadalyq daıarlaý ortalyǵynda jalǵastyrmaq nıettemiz. Osy jerde aýyrtpalyq artady. Atap aıtsaq, boksshylar kross júgiredi, trenajer zalynda shynyǵady, basseınde júzedi, taý-tasqa shyǵady. Bul fýnksıonaldyq daıarlyqty jetildirý úshin óte qajet. Al sońǵy aptada rıngte jattyǵyp, sparrıngter ótkizemiz. Alataý bókterinde ótip jatqan oqý-jattyǵý jıyny 5 qazanǵa deıin sozylady, deıdi Qazaqstan quramasynyń bas bapkeri Ǵalymbek Kenjebaev.
Ǵ. Kenjebaevtyń aıtýynsha, buǵan deıin ulttyq qurama sapyndaǵy boksshylar óz óńirlerinde daıarlanyp, Almatydaǵy jıynǵa jaqsy babynda kelgen eken.
