Sport • 09 Qyrkúıek, 2020

Qazaqstannyń jastar quramasy Izraıldi utty

90 ret kórsetildi

Qazaqstannyń jastar quramasy "Eýro-2021" dodasy aıasynda ótken irikteý týrnıriniń kezekti týrynda Izraıl fýtbolshylarynan basym túsip, óz jankúıerlerin qýantty, dep habarlaıdy Egemen.kz.

Nazarette ótken básekede qos komanda da jeńiske jetý úshin baryn saldy. Qos tarap ta aıanyp qalǵan joq. Desek te uzaqqa deıin olar bir-biriniń qaqpasynan sańlaý taba almaı, biraz ábigerge tústi. Tek birinshi kezeńniń sońǵy sekýndtarynda Elhan Astanov mergendik tanytyp, jerlesterimizdi alǵa shyǵardy. Úzilisten keıin de joǵarydaǵy jaǵdaı qaıtalandy. 90+1 mınýtta Itamar Shvıro tarazy basyn teńestirdi. Alaıda jergilikti jankúıerlerdiń qýanyshy uzaqqa sozylmady. Arada úsh mınýtke jeter-jetpes ýaqyt ótkende Oralhan О́mirtaev nysanany dál kózdep, Qazaqstan quramasyna jeńis syılady. Esep – 1:2.  

Irikteý týrnıriniń altynshy tobynda óner kórsetetin jerlesterimiz osy jeńisten keıin ekinshi orynǵa kóterildi. Ázirge qorjynymyzda 10 upaı bar. Al kósh basynda – Ispanııa quramasy. Pıreneı túbeginiń túlekteri 16 upaıdy enshilep otyr. Kelesi kezdesýdi biz 8 qazanda óz alańymyzda Soltústik Makedonııaǵa qarsy ótkizemiz. 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar