"Aýrýdyń taralýyn boldyrmaý jáne oń dınamıkany saqtaý maqsatynda keıbir shekteý is-sharalary men demalys kúnderi lokdaýndar saqtalady. Qazirgi ýaqytta KVI boıynsha turaqty epıdemııalyq jaǵdaıǵa qol jetkizdik. Qatań shekteý sharalarynyń arqasynda 5 shildeden beri aýrýhanalarda tósek oryndardyń júktemesi 6 ese, jansaqtaý bólimindegi tósek oryndardyń júktemesi 6,6 ese azaısa, koronavırýs ınfeksııasy boıynsha jedel járdem shaqyrý jaǵdaıy 5,5 ese tómendedi. Emhanalar úıinde qyzmet kórsetý tártibine kóship ketti", dedi Alekseı Soı.
9 qyrkúıektegi jaǵdaı boıynsha jalpy 106 498 adam koronavırýs juqtyrdy. Sońǵy táýlikte COVID-19 oń nátıjesimen 73 adam tirkeldi. 4810 em alyp jatyr, 100 042 adam (94%) aýrýhanadan shyǵaryldy. 1646 adam qaıtys boldy. Respýblıkada PTR teris nátıjesi bar KVI-dyń 28 228 jaǵdaıy tirkeldi.
