Úkimet • 09 Qyrkúıek, 2020

Qabyldanǵan sharalar elimizdegi epıdemıologııalyq ahýaldy turaqtandyrdy - A. Mamın

18 ret kórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda elimizdegi epıdemıologııalyq ahýal qaraldy, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Densaýlyq saqtaý mınıstri A. Soı ýaqytyly qabyldanǵan sharalardyń arqasynda koronavırýsqa qatysty jaǵdaı turaqtanǵanyn baıandady. Koronavırýs ınfeksııasy men vırýstyq pnevmonııanyń táýliktik ósýi 0,5% sheginde. Búgingi tańda osy ınfeksııany juqtyrǵan adamdardyń 94%-y emdelip shyqty, ınfeksııalyq aýrýhanalardyń júktemelenýi 15% qurap otyr.

Koronavırýs ınfeksııasyna baılanysty jedel járdem shaqyrý 80% deıin tómendedi. Aýrýhanadaǵy oryndar sanyn 50 myńǵa deıin arttyrý máselesi pysyqtalýda. О́ńirlerde 12 juqpaly aýrýlar aýrýhanasy salynyp jatyr, 2 stasıonar qaıta jóndelýde.  Aýyldyq jerlerdegi medısınalyq kómektiń qoljetimdiligin qamtamasyz etý jumystary júrgizilýde. Jedel járdem avtokólikterimen, avtobýstarmen jáne barlyq qajetti jabdyqtarmen (ókpeni jasandy jeldetý apparattary, ottegi konsentratorlary) qamtamasyz etilýde. Aýdandyq aýrýhanalarda 132 rentgen apparaty ornatyldy. Bıyl 1 qazanǵa deıin qosymsha 100 jyljymaly medısınalyq keshen satyp alynady. 

Elimizde jeke qorǵanysh quraldary men dári-dármekterdiń jetkilikti qory jasaldy, tapshylyq bolmaıdy. Onyń ústine, tamyz aıynan beri aýrýhanalarda vırýstyq ınfeksııadan emdelý úshin halyqqa tegin dári-dármek (ystyqty túsiretin, antıkoagýlıanttar) berilip jatyr. PTR testileý múmkindigi artty (táýligine 40 myńǵa deıin, 63 myńǵa deıin jetkizilýi múmkin). Vaksına satyp alý jáne ózimizde vaksına jasap shyǵarý jóninde kelissózder ótkizildi. 15 qyrkúıekten bastap turǵyndarǵa tumaýǵa qarsy ekpe jasalady. 

"Jalpy, Úkimet tarapynan aýqymdy júıeli jumys júrgizilýde. Qabyldanǵan sharalardyń nátıjesinde biz elimiz úshin kúrdeli kezeńdi eńserdik jáne aýrýdyń taralý deńgeıin tómendetý qamtamasyz etildi. Bastysy, bizdegi densaýlyq saqtaý júıesi koronavırýs juqtyrǵandardy emdeý boıynsha zor tájirıbe aldy. Barlyq qabyldanyp jatqan sharalar kúzde paıda bolýy múmkin pandemııanyń jańa tolqynyna jáne maýsymdyq aýrýlarǵa qarsy kúresýge jaǵdaı jasaıdy. Árıne, sanıtarlyq talaptardy qatań saqtaý kerek", - dedi A. Mamın.

Úkimet basshysy álemdegi epıdemııanyń turaqsyzdyǵyn eskerip, vırýstyń qaıtadan órshý múmkindigine daıyndyq jumystaryn jalǵastyrý jáne keıbir shekteý sharalaryn (qashyqtan bilim berý, demalys kúnderi lokdaýndy saqtaý) saqtaý qajet ekenin atap ótti.  Premer-Mınıstr óńirlerdiń ákimderine epıdemıologııalyq jaǵdaıdy erekshe baqylaýda ustap, barlyq sanıtarlyq normalardy qatań saqtaýdy, vırýstyń taralýy men aýrý juqtyrý kórsetkishteriniń ózgerýine qaraı jedel ári naqty áreket etýdi, ınfraqurylymdy daıyndaý sharalaryn qabyldap, barlyq satydaǵy medısına qyzmetkerleriniń qaýipsizdigin qamtamasyz etýdi tapsyrdy. Densaýlyq saqtaý mınıstrligine múddeli memlekettik organdarmen birge halyq arasynda profılaktıkalyq jumysty kúsheıtý tapsyryldy. 

"Densaýlyq saqtaý júıesiniń daıyndyǵyn baqylaýda ustaý qajet, sondaı-aq qaýip tobyndaǵy adamdardy naqty qadaǵalaýdy qamtamasyz etý kerek", - dedi A. Mamın.


Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar