Janýardyń ıesi Altynsarın aýdanynyń turǵyny bolyp shyqty. Jylqy zańdy ıesine qaıtaryldy. Polıseılerdiń aıtýynsha, barymtashylardyń bıylǵy shilde aıynda Qarasý aýdany aýmaǵynan jylqy urlaǵany dáleldengen. Sondaı-aq olardyń Qostanaı aýdanyna qarasty eldi mekennen 50 jylqy, al Altynsarın aýdanynyń Sherbakov aýylynan 60 jylqy urlamaq bolǵany anyqtalyp otyr. Qazir qylmystyq toptyń eki múshesine resmı aıyp taǵylyp, ekeýi de qamaýǵa alyndy.
"QR Qylmystyq kodeksiniń 188-1-babynyń 2-bólimi jáne 188-1-babynyń 3-bólimine sáıkes, olardyń múlki tárkilenip, 3 jyldan 10 jylǵa deıingi merzimge bas bostandyǵynan aıyrylýy múmkin", - dep málimdedi oblystyq polısııa departamentiniń baspasóz qyzmeti.
