Zerthanalyq zertteýler nátıjesinde Ulttyq saraptama ortalyǵynyń mamandary 219 azyq-túlik synamasynda tańbalaý boıynsha buzýshylyqtardy anyqtady. О́nimderde quramy, jaramdylyq merzimi, óndirýshi jáne saqtaý sharttary týraly aqparat kórsetilmegen. Sáıkes kelmeıtin synamalardyń eń kóp sany kondıterlik jáne nan-toqash ónimderinde boldy. Barlyǵy – 43. Atap aıtqanda, «Monetkı» kámpıtteri, «Baıan-Sulý» kámpıtteri, «Mır keksov» bıskvıtti torty, «Mummy’ s cake», «Mýraveınık» tátti nany, «Dalmatovo» keptirilgen vanıli, «Assortı» fransýzsha qabattalǵan toqashtary, kókjıdek qosylǵan belevskaıa pastılasy, «Samelle» pahlavasy, prıanıkter, suly pechenesi, jerjańǵaq qosylǵan keks, «Bal shyryn» bal qosylǵan bálishi, «Tımosha» kozınaktary, shokolad dámi bar sırop, «Love is» saǵyzy, shaınaıtyn kámpıtter, «Srunchy» jıdekti mıýslıi, bal, qant talapqa saı kelmeı shyqty. Bul ónimder Qazaqstanda, Reseıde, Fransııada jáne Túrkııada óndirilgen.
Jemis-kókónis ónimderiniń 33 synamasynda tańbalaýǵa qoıylatyn talaptardyń buzylǵany anyqtaldy: «Olevi» tańqýraıdan jasalǵan tosaby, sańyraýqulaq qosylǵan ashytylǵan qyryqqabaty, marınadtalǵan jasyl burysh, tabıǵı lecho, «Lazdjan» ashy dámdeýishi, «Tkemalı ODA» soýsy, «Baruto» marınadtalǵan zimbiri, qurma, «Kuhne» kilegeıli jelkegi, «La Molisana» kartop tushparasy, konservilengen záıtúnder, «Pelati» tazartylǵan tutas qyzanaqtary, «Olevi» qulpynaı djemi, muzdatylǵan kókónister, «Aroy-D» kokos kremi, «JIаN SIFÝ» buryshty soýsy, «Mash-Mash» qurmasy, «Elite dates», «Kuhne smoked Pepper BBQ» ystalǵan burysh qosylǵan qyzanaq barbekıý soýsy. О́ndirýshi elder: Qazaqstan, Reseı, Qytaı, Iran, Italııa, Germanııa, Taıland.
Monıtorıng nátıjeleri kórsetkendeı, 25 sáıkes kelmeıtin synama balyq konservilerinen tabyldy. Máselen, «Morskaıa derjava» ystalǵan kılkadan jasalǵan shprot pashteti jáne «Shtýrval» maıyndaǵy Baltyq kılkasynan (ushadan) jasalǵan shprot, «Shtýrval» maıynan jasalǵan shprot, «Shtýrval» tomat tuzdyǵyndaǵy kılka, maıshabaq fılesi, baltyq kılkasynan jasalǵan maıly maıshabaq, «Dobroflot» teńiz qyryqqabatynan jasalǵan salat. Bul ónimderdi Reseı men Qazaqstan óndirgen.
Sonymen qatar oıynshyqtardyń 112 úlgisinde tańbalaý boıynsha sáıkessizdikter anyqtaldy. Kóbinese tutynýshylar oıynshyqtyń ataýyn, óndirýshi el, óndiris orny, ımporttaýshy, maqsaty, materıaldyń quramy, shyǵarylǵan kúni týraly bile almaıdy. Memlekettik jáne orys tilderinde tańbalaý joq.
Almaty qalasy boıynsha taýarlar men kórsetiletin qyzmetterdiń sapasy men qaýipsizdigin baqylaý departamenti tehnıkalyq reglamentter talaptarynyń sáıkessizdigi anyqtalǵan jaǵdaıda barlyq jeke kásipkerlerge Qazaqstan Respýblıkasynyń halyqtyń sanıtarlyq-epıdemııalyq salaýattylyǵy salasyndaǵy zańnamasy talaptarynyń buzylýyn joıý týraly nusqama berdi.
Ulttyq saraptama ortalyǵynyń mamandary qazaqstandyqtardy tamaq ónimderi men oıynshyqtardy tańdaýda muqııat bolýǵa shaqyrady. Eń aldymen, ónimdi tańbalaýǵa, onyń qaptamasyna, saqtaý sharttary men jaramdylyq merzimine nazar aýdarý kerek.
