1. Zeınetaqy annýıteti
Barlyq zeınetaqy jınaǵyn derbes shottaǵy aqshanyń aıaqtalǵanyna nemese aıaqtalmaǵanyna qaramastan, óz klıentin qarjylyq mazmunmen qamtamasyz etý táýekelderin ózine alatyn saqtandyrý kompanııasyna aýdarý. Saqtandyrýshylarmen 55 jasqa tolǵan er adamdar jáne 51,5 jastaǵy áıelder shart jasaı alady. Bul rette er adamnyń shotynda keminde 11,2 mıllıon teńge, al áıelderde - 15,34 mıllıon teńge bolýy tıis. Soma tańdalǵan kompanııaǵa baılanysty ózgeredi.
2. Shetelge turaqty ómir súrýge ketetin jaǵdaıda
Barlyq jınaqtalǵan qarajatty ınvestısııalyq tabyspen birge Qazaqstannan tys jerlerge turaqty ómir súrýge ketetin Qazaqstan azamattary ala alady. Olar tek ketý faktisin rastaıtyn tıisti qujattardy usynýy kerek.
3. Erikti zeınetaqy jarnalary
Úı sharýasyndaǵy áıelder, kámeletke tolmaǵan jáne barlyq nıet bildirýshiler óz bastamasy boıynsha BJZQ-ǵa aqsha sala alady. Erikti zeınetaqy jınaqtarynyń basty artyqshylyqtarynyń biri - aqshany 50 jastan bastap paıdalanýǵa bolady.
4. Múgedektik kezinde
Zeınetaqy jasyna jetkenge deıin 1-shi nemese 2-shi toptaǵy múgedektigi merzimsiz bolǵan jaǵdaıda salymshylar zeınetaqy tólemderin ala alady. Bul rette, eger ótinish jasalǵan kúngi zeınetaqy jınaqtarynyń somasy tıisti qarjy jylyna arnalǵan respýblıkalyq bıýdjet týraly zańda belgilengen eń tómengi zeınetaqynyń on eki eselengen mólsherinen aspasa, bul soma alýshyǵa BJZQ – dan bir mezgilde tólenedi (2020 jylǵy 1 sáýirden bastap-485 292 teńge).
5. Muragerlik
Salymshy qaıtys bolǵan jaǵdaıda onyń jınaqtary jazbasha suraý salý boıynsha muragerler bolyp tabylatyn adamdarǵa beriledi. Zeınetaqy jınaqtaryn muraǵa qaldyrý ósıet boıynsha júzege asyrylady. О́sıet bolmaǵan jaǵdaıda muragerlik zań boıynsha ótedi. Murany alý úshin murager ony muranyń ashylǵan jeri boıynsha notarıýsqa nemese zańǵa sáıkes muraǵa quqyq týraly kýálik berýge ýákiletti laýazymdy adamǵa murany qabyldaý týraly ótinish ne muraǵa quqyq týraly kýálik berý týraly ótinish berý arqyly qabyldaýǵa tıis.
6. Standartty zeınetke shyǵý
1 qańtardan bastap erlerdiń zeınetkerlik jasy 63 jas, al áıelder úshin - 59,5 jasty quraıdy.
Sonymen qatar, 2021 jyldan bastap emdelýge, turǵyn úıge jáne qarjy uıymdaryna basqarýǵa berýge arnalǵan zeınetaqy tólemderin merziminen buryn paıdalaný bolady.
7. Aqsha qolǵa berilmeıdi
Zeınetaqy qoryndaǵy aqsha adamnyń jeke shotyna aýdarylmaıdy jáne qolma-qol da berilmeıdi. Biryńǵaı operator arqyly iske asyrylady. Turǵyn úı salasynda biryńǵaı operator Otbasy banki bolmaq.
Jańa norma qashan kúshine enedi
El prezıdenti zeınetaqy jınaǵyna qatysty barlyq normatıvtik-quqyqtyq aktini jyl sońyna deıin qabyldaýdy tapsyrdy. Eger bári oıdaǵydaı iske assa, 2021 jyldyń 1 qańtarynan bastap qazaqstandyqtar zeınetaqy shotyndaǵy aqshany óz qajetine jumsaý múmkindigine ıe bolady.
