"О́ńirde Kaspıı teńizi bolǵandyqtan sýdaǵy adamdardyń qaýipsizdigin qamtamasyz etý máselesi erekshe mańyzǵa ıe. Aımaqta sýǵa shomylý maýsymy bastalǵannan beri demalýshylardyń sany artyp, jazataıym oqıǵalardyń kóptigi, teńizde adamdardyń qaza bolýy baıqalady. Jazataıym oqıǵalardyń basym kópshiligi sýdaǵy qaýipsizdik erejelerin buzýynan týyndap otyr", dedi ol.
Sýda qaýipsizdikti qamtamasyz etý máselesi boıynsha Tótenshe jaǵdaılardyń aldyn alý jáne joıý jónindegi komıssııanyń 6 otyrysy ótkizildi. Onyń ishinde 1 oblystyq, 5 qalalyq jáne aýdandyq. Shomylý maýsymy kezeńinde adamdardyń qaza bolýy men jaraqattanýyna jol bermeý maqsatynda 6 ýchaskede shomylýǵa tyıym salynǵan sý aıdyndarynyń ýchaskelerin shekteıtin normatıvtik qujattar qabyldandy.
"Shomylý maýsymy bastalǵannan bastap jedel-qutqarý jasaǵynyń kúshteri qyzmet ótkerýdiń kúsheıtilgen túrine aýystyryldy. Sýǵa túsý úshin qaýipti ýchaskelerde kezekshilikti júzege asyratyn mobıldi beketter uıymdastyryldy. Sondaı-aq, kún saıyn JQJ kúshimen sý mańynda kópshilik demalatyn oryndarǵa patrýldeý jáne reıdter júrgiziledi. Sýǵa shomylý maýsymynyń ótken kezeńinde sýdaǵy qaýipsizdik sharalary týraly barlyǵy 24 myńnan astam úgit-nasıhat ónimderi taratyldy", dedi MO Tótenshe jaǵdaılar departamentiniń basshysy Bekbolat Ábdiqadyrov.
Jergilikti polısııa qyzmetimen birge 407 reıd júrgizildi. Reıd barysynda 273 myń teńgeden astam aıyppul salynyp, 31 azamatty ákimshilik jaýapkershilikke tartty.
