Elordanyń Dostyq úıinde "Mama" fotokórmesi ashyldy. Ekspozısııada kóp balaly analardyń fotosýretteri, sonymen qatar otbasy qundylyqtaryn beıneleıtin sýretter qoıylǵan. Kórmeniń ashylýyna otbasyna qamqorlyq pen belsendi qoǵamdyq jumysty qatar alyp júrgen analar qatysty.
"Sizderge otbasy ınstıtýty men qoǵamdaǵy birlikti nyǵaıtýǵa qosqan úlesterińiz úshin alǵysymyz zor. Sizderge taǵzym, qurmetti áıelder, analar! Zor densaýlyq pen sáttilik tileımin", dedi ákimniń bas ınspektory, áıelder isi jáne otbasylyq-demografııalyq saıasat jónindegi komıssııa hatshysy Móldir Bólebaeva.
Sondaı-aq shara barysynda analar keńesiniń eń belsendi músheleri Qazaqstan halqy Assambleıasynyń 25 jyldyǵyna arnalǵan medalmen marapattaldy.
"Basshylyǵymyzdyń atynan analar keńesiniń múshelerine medal tapsyrǵym keledi. Bul ártúrli etnıkalyq toptardyń ókilderi. Sizderge jenkeshtilik eńbek úshin rahmet!", dedi Nur-Sultan qalalyq QHA hatshylyǵynyń meńgerýshisi Lázzat Qusaıynova.
Fotokórmege qatysýshylar mundaı sharalardyń urpaq tárbıesinde mańyzdylyǵyn atap ótti. Eske sala keteıik, Qazaqstanda Otbasy kúni qyrkúıektiń ár ekinshi jeksenbisinde atap ótiledi.
