Atap aıtqanda, «Jeti jarǵy» zańyn engizip, qazaq tarıhynda ádiletti bıligimen memlekettilikti nyǵaıtqan Táýke han men qazaqtyń aıbyndy hany Abylaı han, el birligi men ádildiktiń sımvolyna aınalǵan úsh bı – Tóle bı, Qazybek bı, Áıteke bı beınesindegi Qurmanbek Jandarbekov atyndaǵy Jetisaı drama teatrynyń ártisteri referendým ýchaskesine arnaıy kelip, óz tańdaýlaryn jasady. Teatr ártisteri bul bastama – ulttyq qundylyqtardy dáriptep, halyqty el taǵdyryna beı-jaı qaramaýǵa shaqyratyn taǵylymdy shara bolǵanyn, kópshilik úshin el tarıhyna taǵzym jasap, ult bolashaǵyna degen jaýapkershilikti tereń sezinýdiń aıqyn belgisindeı áser qaldyrǵanyn aıtady.
Aıta keteıik, aýdan kóleminde 75 referendým ýchaskesi jumys istep tur. Olardyń barlyǵynda salaýatty ómir saltyn nasıhattaý maqsatynda sporttyń qazaq kúresi, qol kúresi, ústel tennısi, voleıbol, toǵyzqumalaq, kishi fýtbol sekildi túrlerinen turǵyndar arasynda jarystar uıymdastyrylyp jatyr.
Túrkistan oblysy
