"Aldaǵy ýaqytta Qazaqstanda, sonyń ishinde Shymkentte bizdiń ýnıversıtettiń ókildigin ashý oıymyzda bar", deıdi Arızona memlekettik ýnıversıtetiniń keńesshisi Nıý Lı Holman.
Qazir bul is jan-jaqty talqylanyp jatyr. Sondaı-aq sheteldikter Shymshaharda stýdentterge arnap kampýs salýdy josparlap otyr. Onda tálimgerler bilim alyp qana qoımaı, jataqhana retinde de ony paıdalana alady.
Meımandarǵa joǵary oqý ornynyń oqý bazasy tanystyryldy. Ýnıversıtet ishindegi "Muhtartaný" ortalyǵy men tarıhtan syr shertetin murajaıǵa bas suqqan qonaqtar ondaǵy jádigerlerge tańdanysyn jasyrmady.
"Bilim men ǵylym salasynda halyqaralyq qatynasty jandandyrý - basty baǵytymyz. Qazirgi tańda ýnıversıtet ózimizdiń mindet maqsattarymyzdy jalpy kásipkerlik ýnıversıtetke baýlý daǵdysyna kóship otyrmyz. Osyǵan baılanysty biz ýnıversıtette magıstrant, doktaranttardy taza tilge oqytýǵa jáne kásipkerlikke baýlý úshin uzaq ýaqyttan beri osy Arızon ýnıversıtetimen eki jaqty baılanysta bolǵanbyz. Biz búgin sonyń nátıjesin kórip otyrmyz. Bul ýnıversıtet bizge qos dıplomdy, baǵdarlama boıynsha kásipkerlikti shynaıy damytý maqsatynda ýnıversıtette kampýstar jataqhana salý máselesinde kóterip otyr eki jaqty", deıdi ýnıversıtet rektory Darııa Qojamjarova.
О́z kezeginde sheteldik qonaqtar da ǵylym salasyndaǵy ortaq iste birlesip kirisýge daıyn ekendigin jetkizdi.
"Biz seriktes bolǵaly otyrǵan ýnıversıtetke áýeli qos dıplomdy berý jobasyn usynyp otyrmyz. Ǵylymdy birlesip damytý boıynsha da baǵdarlamamyz bar. Ortaq kelisimge kelsek, kampýs, jataqhana salamyz degen josparymyzdy da aıttyq", dedi Arızona memlekettik ýnıversıteti basshysynyń keńesshisi Nıý Lı Holmon.
