Is-sharanyń maqsaty – bala tárbıesindegi ata-ananyń, mekteptiń jáne qoǵamnyń rólin anyqtaý, balalarǵa bilim berý men tárbıeniń ózekti máselelerine nazar aýdarý.
Dóńgelek ústelge memleket jáne qoǵam qaıratkerleri, aqyndar men jazýshylar, pedagogıka qaýymdastyǵynyń, úkimettik emes uıymdardyń, múddeli memlekettik organdardyń, BAQ ókilderi qatysty.
О́z sózinde Aqparat jáne qoǵamdyq damý mınıstri A.Balaeva: "Árbir otbasyndaǵy jetistik te, kemshilik te qoǵamnyń ortaq kórsetkishi. Memleketshil azamat qashanda otbasynan alǵan tárbıe men jalpy qoǵamdyq qundylyqtardan qalyptasatyny belgili", dep aıtyp ótti.
Sonymen qatar A.Balaeva pandemııa kezinde bala tárbıesindegi otbasy men ata-ananyń jaýapkershiliginiń arta túskendigin atap ótip, ýaqyt – otbasy qundylyqtaryn jańa qyrynan qaraýdy talap etip otyrǵanyna toqtaldy.
Is-sharanyń moderatory O.Asanǵazyqyzy otbasy saıasatyn iske asyrýda bilim berý mekemeleriniń, BAQ-tyń belsendi ózara is-qımylyn qamtamasyz etý, Qazaqstanda neke jáne otbasy ınstıtýtyn nyǵaıtýda ulttyq tárbıeni dáripteýdiń mańyzdylyǵyn atap ótti.
Jazýshy, medısına jáne pedagogıka ǵylymdarynyń doktory, Qazaqstannyń Eńbek sińirgen qaıratkeri Sovethan Ǵabbasov óz tájirıbesimen bólisip, balalardy tárbıeleý prosesinde óziniń kitaptarynda baıandalǵan ádistemelerin qoldanýdy usyndy.
M.Áýezov atyndaǵy Ádebıet jáne óner ınstıtýtynyń dırektory K.Matyjanov ulttyń jańa bolmysy otbasynan bastap qalyptasatyndyǵyn aıtyp, qazaq pedagogıkasynynyń tıpologııasyn zerttep, tárbıeni trendke shyǵarý qajettiligine toqtaldy.
Qazaqstan pedagogıkalyq ǵylymdar akademııasynyń akademıgi, belgili ustaz, Qazaqstannyń Eńbek Eri Aıagúl Tóreqyzy óz baıandamasynda otbasylyq qundylyqtarmen úılestirilgen ulttyq tárbıe nemese ulttyq qundylyqtarmen úılestirilgen otbasylyq tárbıe platformasy dástúrli jumysymyz úshin de, onlaın túrindegi jumysymyz úshin de asa qajet ekendigin atap ótti.
Jalpy qatysýshylar ulttyq tárbıe, otbasylyq qundylyqtar baǵytyn eskerip, telearnalardaǵy baǵdarlamalar kontentin qaıta qaraýdy, orta jáne joǵary oqý oryndarynda otbasylyq ómirge daıyndaıtyn qosymsha kýrstar ótkizý qajettiligin aıtty.
Sóz sońynda mınıstr A.Balaeva is-sharaǵa qatysqan barlyq spıkerlerge alǵys bildirip, otbasy tárbıesin ulttyq qundylyqtarmen úılesimde júzege asyrý baǵytyn, ulttyq ıdeologııany damytý máseleleri boıynsha aıtylǵan usynystardy jumys barysynda eskeretindigin jetkizdi.
