Álemde koronavırýstyq ınfeksııanyń rastalǵan jaǵdaılarynyń sany 28,6 mıllıonnan asyp, 24 saǵat ishinde 308 myńǵa artty, bul pandemııa kezindegi eń joǵary ósim. DDU jarııalaǵan málimetterge sáıkes, ólim sany 5,6 myńǵa artyp, 917 myńnan asty.
DDU statıstıkasy memleketter usynǵan ınfeksııa jáne ólim jaǵdaılary týraly resmı rastalǵan málimetterdi ǵana eskeredi.
Soltústik jáne Ońtústik Amerıka aımaǵy vırýs juqtyrǵandar sany boıynsha birinshi orynda -14 699 174. Bir táýlik ishinde bul kórsetkish 132 464-ke ósti. Onda qaıtys bolǵandardyń sany 3 308-ge artyp, 508 705-ke jetti. Ońtústik - Shyǵys Azııa aımaǵynda 5 377 062 adam indet juqtyrǵan jáne 92 391 naýqas qaıtys bolǵan. 24 saǵat ishinde juqtyrǵandar sany 101 119-ǵa ósti, 1 270 adam qaıtys boldy.
Álemde koronavırýsty juqtyrǵandar sany boıynsha úshinshi orynda Eýropalyq aımaq. Onda juqtyrǵandar sany 4 796 426-ǵa jetti, 225 494 ólim tirkeldi. Bir táýlik ishinde juqtyrǵandar sany 48 921 - ge, qaıtys bolǵandar sany 367-ge artty.
Juqtyrǵandardyń kópshiligi AQSh - ta tirkelgen. Munda 6 386 832 adam ınfeksııa juqtyrdy. Odan keıingi oryndarda Úndistan (4 754 356), Brazılııa (4 282 164), Reseı (1 062 811), Perý (716 670), Kolýmbııa (702 088), Meksıka (658 299), OAR (648 214), Ispanııa (566 326) jáne Argentına (535 705) tur.
