Oqıǵa • 15 Qyrkúıek, 2020

Jańa servıs medısınalyq uıymdardaǵy bos oryndar týraly aqparat beredi

7 ret kórsetildi

Endi «Ashyq derekter» portalynyń servısterin paıdalanatyn ázir­leýshiler naqty ýaqyt rejiminde COVID-19 naýqastaryna arnalǵan medısınalyq uıymdarda bos oryndardyń bar-joǵy týraly aqparatty kóre alady. Sondaı-aq qajetti medısınalyq tehnıkanyń bolýyn baqylaı alady.

Portal servısterinde jarııa­la­natyn barlyq aqparat tu­raqty negizde jańartylyp otyrady jáne Densaýlyq saqtaý mı­nıstrliginiń aqparattyq jú­­ıelerimen yq­pal­dasýdyń ná­tıjesinde qol­jetimdi boldy. Bul – osy servıster málimetterdi memlekettik organnyń derekter qorynan tikeleı alady degen sóz. Derekter almasý úshin JSON pishimi qoldanylady.

«Ulttyq aqparattyq tehnologııa­lar» AQ basqarma tóraǵasy Áset Turysovtyń aıtýynsha, mundaı má­limetterdi usynýǵa qabiletti ser­vısterdi jarııalaý búginde ózekti.

«Ashyq úkimet» portaly­nyń kó­megimen jas startapshylar men ázir­leýshilerge azamattarǵa paı­­daly onlaın servısterdi qu­rýǵa kómektesetin aqparatqa qol jetkizýge biregeı múm­kindik bar», dedi Á.Turysov.

Osy servısterdiń tolyq má­li­metterin «Ashyq derekter» por­ta­lynyń «Sıpatta­ma» qo­symsha be­tinen tabýǵa bolady.

Ashyq úkimet ıdeıasy mem­lekettik aqparattyq jú­ıeler­den mańyzdy málimetterdi usy­ný­ǵa baǵyttalǵanyn atap ótý kerek. «Ashyq derekter» portalynan basqa da, ıaǵnı bıýdjet qarajatynyń jumsalýyn qoǵamdyq baqylaý arqyly bel­sendi azamattyq ustanymdy da­mytýǵa yqpal etetin «Ashyq bıýdjetter»; ázirlenip jat­qan zań jobalary men NQA joba­laryn talqylaý úshin «Ashyq NQA»; mem­lekettik organdar men qoǵam arasynda suraý salýlar berý jáne ınternet-konferen­sııalar men saýaldamalarǵa qa­tysý arqyly tıimdi keri baılanys ornatý úshin «Ashyq dıalog» portaldary qoljetimdi.

Aıta ketelik, «Ulttyq aq­pa­rattyq tehnologııalar» AQ «elektrondyq úkimettiń» ınfokommýnıkasııalyq ınfra­qurylymynyń jáne memle­kettik organdardyń biryńǵaı kólik júıesiniń operatory, sondaı-aq or­ta­lyq jáne óńirlik mem­lekettik or­gandardyń aqparattyq júıelerine júıelik-tehnıkalyq qyzmet kórsetýdi júzege asyrady.

 

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar