Zań jobasy sybaılas jemqorlyq kórinisterin júıeli túrde aldyn alý jónindegi qosymsha sharalar engizýdi kózdeıdi. Atap aıtqanda, memlekettik qyzmetshige quny qandaı da bolsyn syılyqtar syılaýǵa tyıym belgilenedi, ózine sybaılas jemqorlyq shekteýlerin qabyldaıtyn adamdardyń otbasy múshelerine materıaldyq syılyqaqy, syılyqtar nemese kórsetiletin qyzmetter qabyldaýǵa tyıym engiziledi; derbes qurylymdyq bólimshe basshycy laýazymynan tómen emes laýazymdy atqaratyn laýazymdy adamdardy, sondaı-aq kvazımemlekettik sektorda satyp alýmen aınalysatyn adamdardy sybaılas jemqorlyq sýbektilerine jatqyzý usynylady; kvazımemlekettik sektor uıymdarynda ádeptiliktiń korporatıvtik standarttaryn saqtaý úshin jaýapty bolatyn sybaılas jemqorlyqqa qarsy komplaens-qyzmetter ınstıtýtyn engizý kózdeledi.
Zań jobasymen 4 kodekske jáne 10 zańǵa ózgerister men tolyqtyrýlar engizý kózdelgen. «Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» zań jobasyn palatanyń talqylaýyna shyǵarý týraly sheshim qabyldandy, dep habarlady Parlament Senatynyń baspasóz qyzmeti.
