Reseılik áriptestermen tyǵyz qarym-qatynastyń arqasynda buzaqynyń izine túsý múmkin bolyp, ol RF Astrahan oblysynda ustaldy. Qazirgi ýaqytta 28 jastaǵy Aıyrtaý aýdanynyń týmasy etappen ákelinip, Petropavldaǵy tergeý oqshaýlaǵyshyna qamaldy.
О́z kezeginde qazaqstandyq polısııa da reseılik áriptesteri izdep júrgen qylmyskediń bizdiń eldiń aýmaǵynda quryqtap, etappen eline jóneltti. Ol Reseıdiń Qorǵan oblysy Petýhovo qalasynda qylmys jasaǵany úshin izdeýde bolǵan. 21 jastaǵy qylmyskeker petropavldyq izshilderdiń qyraǵy kózinen qutyla almady.
Jyl basynan beri qylmystyq qýdalaý organdarynan jasyrynyp júrgen barlyǵy 35 qylmysker ustaldy. Onyń 9-na ótken jyldary izdeý jarııalanǵan.
"16-17 qyrkúıek aralyǵynda "Izdeý" jedel-profılaktıkalyq is-sharasy ótýde, onyń aıasynda izdestirýdegi adamdardy izdeýge baǵyttalǵan kúsheıtilgen is-sharalar ótkiziledi. Qoıylǵan mindetterdi oryndaý úshin qosymsha resýrstar paıdalanylady. Árıne, bul jumys turaqty júrgiziledi jáne jedel qyzmetterdiń jumysyndaǵy basymdylyq bolyp tabylady. Halyqaralyq yntymaqtastyq jasaýǵa kóp mán beriledi, birlesken jumystyń nátıjesinde bıyl ǵana 16 qylmysker ustaldy", deıdi SQO PD Krımınaldyq polısııa basqarmasynyń bólim bastyǵy, polısııa podpolkovnıgi Seıilhan Jumaǵulov.
Soltústik Qazaqstan oblysy
