Onyń quny 800 myń teńgeniń mańaıynda. Osynsha astyq jetpeıtinin birden kórgen JShS quryltaıshysy aýdandyq polısııaǵa júgingen.
Polıseıler "Astyq" jedel-profılaktıkalyq is-sharasy sheńberinde urlyqtyń betin ashty. Júrgizýshi bıdaıdy shyǵaryp, jasyryn jerge tókkenin jáne túnde alyp ketip, satpaqshy bolǵanyn aıtty. Egis dalasynda tógilgen astyq úıindileri anyqtalyp, qoımaǵa qaıtaryldy... Atalǵan fakti sotqa deıingi tergep tekserý júrgizilip, QK 188-baby - "Urlyq" boıynsha is qozǵaldy. Kúdiktige qatysty kelý týraly mindetteme túrindegi bultartpaý sharasy taǵaıyndaldy.
Sondaı-aq Ýálıhanov aýdanynda da mehanızator birshama astyq pen janar-jaǵarmaı jymqyrǵan. Onyń qylmystyq áreketteri Sotqa deıingi tergep-tekserýdiń biryńǵaı tizilimine "Usaq-túıek jymqyrý" jáne "Urlyq" boıynsha engizildi. Astyq jınaý naýqany barysynda mehanızator osyndaı tásilmen de qosymsha tabys tappaqshy bolǵan.
Oraq bastalǵaly oblys aýmaǵynda 20 qylmys tirkeldi, onyń ishinde jańa astyq urlyǵy – 12, janar-jaǵarmaı urlaýdyń 4 faktisi, sondaı-aq gerbısıdter men aýyl sharýashylyq tehnıkasy bólshekteriniń urlyqtary da oryn aldy.
Soltústik Qazaqstan oblysy
