Budan buryn jazǵanymyzdaı, egis alqaptarynyń birazyna jazǵy aptap ystyqta uzaq ýaqyt tamshy tambady. Sonyń kesirinen astyq shyǵymy tómen. Degenmen keıbir aýdandarǵa jaýyn áredikte quıyp ketip otyrǵan. Sonyń nátıjesinde olardyń astyq shyǵymy joǵary. Oblys basshylarynyń talap etýimen astyq alqaptaryna 100 myń tonnadaı tyńaıtqysh ta sebilgen edi. Hımııalyq jolmen aramshópti otaý jumystary da óz ýaqytynda júrgizildi. Sol arqyly bıylǵy jaýynsyz jazdyń ózinde gekter shyǵymy ortasha alǵanda 14,5 sentnerden aınalýda.
Qazir oblystaǵy egis alqaptarynda júıtkigen 75 myń kombaın kúndiz-túni gúrildep, altyn astyqty jınaýda. Olarǵa Úkimettiń kómegimen arzandatylǵan janar-jaǵarmaı tolyǵymen jetkizilgen. Aýa raıy da sońǵy kúnderi ashyq bolyp, dıqan qolyn baılaǵan joq.
Aldyńǵy orynda Qyzyljar aýdanynyń dıqandary keledi. Bul aýdannyń jer qunarlylyǵy joǵary ári tasymal jumystarynda shyǵyn az bolady. О́ıtkeni aýdan oblys ortalyǵynyń irgesinde bolǵandyqtan ınfraqurylymnyń, sonyń ishinde joldyń sapasy joǵary. Bul artyqshylyq basqa aýdandarda bar dep aıta almaısyń. Jylda aıtylǵanymen joldyń sapasyzdyǵynan astyqtyń 15-20 paıyzǵa jýyǵy rásýa bolady.
Keshegi kúngi málimet boıynsha 4 mln tonnaǵa jýyq astyq bastyrylǵyn. Osynyń ózi qyzyljarlyq dıqandardyń belgilengen mejeni asyra oryndaıtynyn kórsetedi.
Byltyrdan beri oblys maıly daqyldar egýden respýblıka óńirleri arasynda aldyńǵy orynǵa shyqty. Qazir maıly daqyl ónimderi 700 myń gektarǵa jýyq jerden jınap alyndy. Gektar berekesi ortasha eseppen 8 sentnerden aınalýda.
Elimizdiń asa iri astyqty aımaqtarynyń birindegi oraq naýqanynyń barysy ázirge, osyndaı.
Soltústik Qazaqstan oblysy
