Aımaqtar • 18 Qyrkúıek, 2020

Petropavlda terezeden qulaı jazdaǵan keıýana qutqaryldy

200 ret

kórsetildi

1 mın

oqý úshin

81 jastaǵy jalǵyz turatyn keıýana óziniń týǵan kúni qarsańynda tańǵy saǵat 10 kezinde úshinshi qabattaǵy páteriniń terezesine asylyp qalǵan. Onyń nege asylǵany belgisiz, tek terezeniń aldyn jýmaq bolyp qatty eńkeıip, qaıta túzelýge tolyq denesi ıkemge jibermedi me álde sińiri tartylyp qaldy ma, belgisiz. Onyń asylyp turyp, kómek surap aıǵaılaǵan daýysyn aldymen birinshi qabattaǵy "Mechta" dúkeniniń qyzmetkerleri estip, qutqarýǵa keledi. Kóshedegi adamdar da polısııanyń 102 nómirine habarlap, patrýldik polıseıler de oqıǵa ornyna jetip úlgeredi, dep habarlaıdy Egemen.kz.

Jaqsybaı SAMRAT

Petropavlda terezeden qulaı jazdaǵan keıýana qutqaryldy

Barlyǵy birlese qımyldap, zeınetkerdiń aman-esen túsiredi. Osy ýaqytta «jedel járdem» de kelip jetedi. Abyroı bolǵanda, oqıǵa oıdaǵydaı aıaqtalyp, keıýana aman qaldy.

Táýlik ishinde polıseılerdiń "102" arnasyna 200-den 280-ge deıin osyndaı túrli habarlamalar kelip túsedi eken. Kelip túsken habarlamanyń krımınaldyq sıpaty bolmasa da jedel basqarý ortalyǵynyń operatory oqıǵa ornyna patrýldik polısııa qyzmetkerlerin nemese ýchaskelik polısııa ınspektorlaryn, qajet bolǵan jaǵdaıda jedel-tergeý tobyn jiberedi.

«Shuǵyl áreket jasaýdy qajet etetin habarlamalarǵa alǵashqy bolyp patrýldik polısııa qyzmetkerleri kelip jetedi. Jıi shaqyrtýlar – kórshileriniń, mas adamdardyń azamattardy mazalaýy, aýrýhanadan kelip túsetin aqparattar jáne basqa da quqyq buzýshylyqtar. О́rtke jáne basqa da tótenshe oqıǵalarǵa shyǵýǵa týra keledi», - deıdi SQO PD Shtaby bastyǵynyń orynbasary polısııa polkovnıgi Bahytjan Álibekov.

PETROPAVL