"KVI pandemııasy medısına qyzmetkerleri úshin de, pasıentter úshin de jańa erejeler engizýdi talap etedi. Tikeleı mamannan keńes alý úshin COVID-19 tapsyrylǵan ekspress-test nátıjesi teris bolýy kerek, al stasıonarǵa jatqyzý úshin naýqastyń COVID-19 tapsyrǵan PTR-taldaýynyń teris nátıjesi ǵana qajet. KVI keıde sımptomsyz jáne jeńil ótedi, biraq ımmýnıtettiń tómendeýine baılanysty qaterli isikke qarsy emdeý kezinde koronavırýs týdyrǵan pnevmonııanyń klınıkalyq belgileri anyqtalady. Sondyqtan biz barlyq pasıentterge KT nemese ókpe rentgenin mindetti túrde jasaımyz", dedi Dılıara Qaıdarova.
Onyń aıtýynsha, COVID-19 taldaýynan basqa, jalpy qan taldaýy, bıohımııa, koagýlogramma, AQTQ, gepatıt, elektrokardıogramma, ókpe rentgeni sııaqty ádettegi taldaýlar alynady. Onyń bárin burynǵydaı turǵylyqty nemese tirkelgen jeri boıynsha emhanalarda tapsyrýǵa bolady.
