Jobalyq toptyń quramyna áskerı esepke alý, shaqyrý, kadr jumysy jáne qarjy qyzmeti máseleleri boıynsha departamenttiń áskerı qyzmetshileri men azamattyq qyzmetshi mamandary kirdi.
Shymkent qalasynyń qorǵanys isteri jónindegi departamenti túsindirgendeı, azamattar týyndaǵan suraqtarymen kelgen kezde kezekshi kelýshini tikeleı qabyldaýdy júzege asyratyn keńse basshysyna habarlaıdy. Qajet bolǵan jaǵdaıda, máseleni sheshý úshin jobalyq toptyń tıisti mamandaryn shaqyrady.
"Jobalyq keńse azamattardy qyzmettik is júrgizýde tikeleı qabyldaý barysynda muraǵatqa júginýdi talap etetin anyqtamalyq jumystardy qospaǵanda, olardyń qujattaryn tirkeýdiń qajettiligi bolmaıdy", – dedi jobalyq keńseniń basshysy, Shymkent qalasynyń qorǵanys isteri jónindegi departamenti bastyǵynyń orynbasary podpolkovnık Rınat Madıarov.
Jobalyq top azamattardyń máselelerin sheshý úshin jan-jaqty sharalar qabyldaıtyn bolady. Jumystyń tıimdiligi mekeme bastyǵyna jazbasha ótinish berý, baǵynysty birikken basqarmalarmen, basqa organdarmen jáne mekemelermen hat almasý qajettiligin joıady. Osylaısha, qyzmet kórsetýdiń jedeldigi men sapasy artady.
Aıta ketsek, "Qarýly Kúshteri – Adaldyq Alańy" jobalyq keńsesiniń jumys isteýi bekitilgen "Adaldyq alańy" jobasynyń jarǵysyna sáıkes qatań túrde júzege asyrylatyn bolady.
Kelýshilerdi qabyldaý jumys kúnderinde saǵat 9-dan 18.00-ge deıin júzege asyrylady.
