Erekshe ıisi bar ósimdik tektes zat býyp-túıilgen oramada saqtalǵan. Sot-hımııalyq saraptama qorytyndysyna sáıkes alynǵan zat salmaǵy bir keliden astam keptirilgen marıhýana bolyp shyqty. Ustalǵan adam ony bir rettik paıdalanatyn 200 dozaǵa bólip satpaqshy bolǵan. Qazirgi osy fakt QK 296-baby: "Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý" boıynsha sotqa deıingi tergep-tekserýlerdiń biryńǵaı tizilimine engizildi. Baptyń sanksııasy úsh jyldan jeti jylǵa deıingi merzimge bas bostandyǵynan aıyrý jazasyn kózdeıdi.
SQO PD Esirtki qylmysyna qarsy is-qımyl basqarmasynyń bastyǵy, polısııa polkovnıgi Jandos Basybaevtyń aıtýyna qaraǵanda jyl basynan oblystyq esirtki qylmysyna qarsy is-qımyl bólinisteri 162 esirtki qylmysyn anyqtaǵan, onyń 60-y qylmys, sonyń ishinde 33-i ótkizý faktisi. Zańsyz aınalymnan 328 túrli esirtki zattary, onyń ishinde 369 gramm geroın alyndy. Qylmystyq jaýapkershilikke 69 adam tartyldy. "О́rmek" jedel-profılaktıkalyq is-sharasy oblys aýmaǵynda qyrkúıektiń 14-i men 18-i aralyǵynda ótti.
