Qaýiptiń aldyn alýǵa qanshalyqty qamdandy?

Almatyda Bastapqy medı­sı­na­lyq-sanıtarlyq kómek kór­setý (BMSK) deńgeıinde barlyǵy 74 medısınalyq uıym, 39 mem­le­­kettik emhana jáne 35 jeke men­shik emhana jumys isteıdi. BMSK emdeý ortalyqtarynda 9 914 me­dı­sınalyq qyzmetker, onyń ishin­de 2 712 dáriger bar. Qa­zirgi tańda BMSK uıymdaryna tir­kelgender sany 2 mln-nan asady.

Almaty qalalyq Qoǵamdyq densaýlyq basqarmasy mınıstr­ge emhanalardyń jumysy mo­bıl­di brıgadalarmen kúsheı­til­­genin málimdedi. Mobıldi brı­gadalardyń sany 5 esege artty jáne 409 brıgadany quraıdy. Bul degenimiz – 925 medısına­lyq qyzmetker. Ambýlatorııalyq deń­geıde 270 myńnan asa naýqas qu­ny 11 mlrd teńgeden asatyn 1 mln-ǵa jýyq dári-dármekpen qam­tamasyz etildi.

Sonymen qatar COVID-19 in­de­timen aýyrǵandardy emdeý­de BMSK uıymdaryna qoldaý kór­setý úshin Naýqastardy mo­nı­to­rıngileý ortalyǵy qu­ryl­dy. Bul ortalyqtyń maq­sa­ty – úıdegi táýe­kel tobyndaǵy naýqastardy, eg­de jastaǵy adamdar men qatar jú­retin aýrýlarmen aýyratyn naý­qastardy baqylaý. Sońǵy aıda orta­lyqta 2 myńnan asa naýqasqa kó­mek kórsetilgen.

«Biz BMSK uıymdarynyń da­ıyndyǵyna úlken mán berip otyr­myz. Búginde qalalyq emha­nalar COVID-19 indetiniń jańa tolqynyna barynsha da­ıyn. Jumys vırýs juqtyrǵan pa­sıent­terge de, sondaı-aq test ná­tı­jesinde vırýs anyqtalmaǵan pasıentterge de laıyqty kóńil bólýge baǵyttalǵan. Qalada jos­parly emdeýge jatqyzý toqtap qalǵan joq, barlyq medısına­lyq uıym jumys istep tur», dedi Almaty qalalyq Qoǵamdyq den­saý­­lyq basqarmasynyń basshysy Kamaljan Nadyrov.

Epıdemııa bastalǵaly beri emha­­nalarlarda qatań karantın keze­ńinde onlaın-konsýltasııalar sany 80%-ǵa artty.

«Búginde emhanalardyń call-ortalyǵynyń qyzmetterine 220-dan asa dıspetcher tartylǵan. Bul – telemedısına arqyly naý­­­qastyń dárigermen baılany­syn qashyqtaǵy formatqa kó­shir­­­­genimizdiń jaqsy kór­set­­ki­shi. Osy­laısha naý­qas­tar ózde­ri­niń ýchas­kelik dári­ger­leriniń ba­qy­la­ýynda tur. Onlaın-konsýl­ta­sııalar dári­ger­­lerdiń turaqty ju­mys reji­miniń bir bóligi boldy. Menińshe, bul keńinen qolda­ny­la­dy jáne postkovıdtyq kezeńde de naýqastardyń belgili bir sanatyna qashyqtan keńes alýǵa bolatyn qalypty jaǵdaıǵa aınalady. Bul naýqastyń ınfeksııa qaýpin azaıtyp qana qoımaı, dárigerdiń de resýrstary men ýaqytyn únem­deıdi», deıdi basqarma basshysy.

Densaýlyq saqtaý mınıstri Almaty qalasyna jumys sapa­­ry aıasynda Almatydaǵy №17 qa­la­lyq emhanada boldy. Osy­naý zama­naýı kóp­beıindi emhana 2010 jyly ashylǵan. Medısınalyq mekeme aýy­symyna 630 adamdy qabyldaı alady jáne medısınalyq qyz­metterdiń keń spektrine baǵyt­talǵan. Bul emhanada 85 myńnan asa azamat tirkelgen. Almaty qa­lasy Qoǵamdyq densaýlyq bas­qar­­ma­synyń Jol kartasynyń tap­­syrmalaryn oryndaý úshin emhanaǵa onkologııalyq, ftı­zıa­t­rııalyq, narkologııalyq jáne psı­­hıatrııalyq qyzmetteri birik­tirilgen.

Atalmysh emhananyń erek­she­ligi – ınnovasııalyq tehnolo­gııa­lar úzdiksiz engizilýde. 2011 jyly №17 Qalalyq emhana Qazaq­stan­da birinshi bolyp dári­ger­­ler­diń qabyldaýyna aldyn ala ja­zyla otyryp, «Kezeksiz emhana» jumys rejimine kóshti. Emha­nanyń qabattarynda kezekti bas­qarýdyń jáne naýqastardy dá­ri­gerler jumys kestesin habar­laı­tyn elektrondyq júıeler, online rejiminde memlekettik qyz­­metterdi alýdy jeńildetý úshin navıgasııalyq júıeler men kar­trıderler ornalastyrylǵan. Onda árbir adam e-gov portaly arqyly memlekettik qyz­met­ter­­di alý tehnıkasyn úırenedi. Son­daı-aq emhanada múmkindigi shek­teý­li jandarǵa arnalǵan jańa jaǵ­­daılar únemi jańartylyp, engi­zilýde.

Medısınalyq mekeme taza já­ne las aımaqtarǵa bólingen, súz­giler men baqylaý beketteri or­na­tylǵan. Naýqastar aǵynyn sa­natqa qaraı bólýdiń maqsaty – vı­rýstyń ishki taralýyn jáne qyz­metkerlerdiń juqtyrýyna jol bermeý.

«Aıta ketý kerek, epıdemııa ór­ship turǵan kezdiń ózinde qa­la­da birde-bir emhana isten shyq­qan joq, olardyń barlyǵy shtat­tyq rejımde jumys jasady. Me­dısınalyq qyzmetkerler úshin JQQ qajetti qorlary satyp alyndy, dárilik zattardyń re­zer­vtik qory quryldy. Iаǵnı búgin­­de qa­la­lyq emhanalardyń turaq­­ty rejimde jumys isteýi úshin já­ne epıdemııa qaıta órshigen jaǵ­daı­da qajettiniń bári ázirlendi já­ne qamtamasyz etildi», deıdi K.Nadyrov.

ALMATY