Túrkistan oblysy polısııa departamenti bastyǵynyń orynbasary, polısııa podpolkovnıgi Qurmanbek Sahov atap ótkendeı, 4 jergilikti turǵynnan turatyn bul uıymdasqan qylmystyq top 6 aı boıy Jetisaı jáne Maqtaaral aýdandarynyń aýmaǵynda jumys istegen. Olar bopsalaý men alaıaqtyq arqyly jeke kásipkerler men qarapaıym azamattardyń aqshalaryn ıemdengen. Jalpy alǵanda, qylmyskerler jábirlenýshilerge 2 mln teńgeden astam shyǵyn keltiripti.
Olar qyzmetine zańdylyq berý úshin tutynýshylardyń quqyqtaryn qorǵaý jáne sybaılas jemqorlyqqa qarsy kúres túrinde jalǵan qoǵamdyq uıym ashqan. Qylmyskerler kásipkerlerdiń kóptegen ás-áreketterin kameraǵa túsirip, áleýmettik jelilerde vıdeomaterıaldardy jarııalaý qaýpimen olar aqsha talap etti.
Mysaly, 2019 jyly Maqtaaral aýdanynda kúdiktiler qurylys alańdarynyń birinde bolǵan. Onda zańbuzýshylyqtar oryn aldy degen syltaýmen qurylys fırmasynyń basshysynan 500 myń teńge talap etti. Taǵy bir jaǵdaıda ótken jyldyń kúzinde sottalǵandar ekologııany qorǵaý túrimen jergilikti fırmalardyń biriniń keńsesine kelip, dırektordan aı saıyn 100 myń teńge kóleminde tólem talap etken. Jábirlenýshi óz kezeginde Jetisaı APB-ne ótinish beripti.
"Jasalǵan qylmystardyń aýyrlyǵy men biregeıligin eskere otyryp, tergeýge krımınaldyq polısııa qyzmetkerleri men oblystyq apparattyń tergeýshileri aýdandyq polısııa qyzmetkerlerine kómekke jiberildi. Iаǵnı, biz aýdandyq jáne oblystyq polısııanyń úzdik qyzmetkerlerinen arnaıy jedel-tergeý tobyn qurdyq. Sotqa deıingi tergeý aıasynda barlyq qajetti jedel tergeý is-sharalary júrgizildi, jetkilikti dálelder jınaldy jáne aqsha aýdarý kezinde qylmyskerlerdi ustady", deıdi polısııa departamentiniń baspasóz qyzmeti.
