Úkimet, "Atameken" UKP tarapynan da kásipkerlerdi qoldaý boıynsha kóptegen sharalar qolǵa alyndy. Mysaly, salyq salý salasynda birqatar jeńildik jasaldy.
Shaǵyn jáne orta bıznes maýsym aıyna deıin salyqtan bosatyldy, al jalaqy tóleminen salyq tóleý boıynsha qıyndyqtar kórip otyrǵan kásipkerlerge tólem jasaý merzimi buryn 1 qazanǵa deıin belgilense, endi memleket basshysynyń tapsyrmasymen jyl sońyna deıin uzartyldy. Budan basqa, májbúrli demalysqa ketken kásipkerlerge 42500 teńge mólsherinde áleýmettik tólem tólendi.
Bankterden nesıe alǵan kásipkerlerdiń 40 paıyzdan astamy nesıe tólemin keıinge qaldyrý múmkindigine ıe boldy. Nesıe tóleýden bosatý merzimi buryn 1 qazanǵa deıin bolsa, qazir jyl sońyna deıin uzartyldy.
