– Jyl basynan beri akademııa fılıaly bazasynda 1001 azamattyń oqytylýy josparlanyp, 972 azamattyq qyzmetshi men memlekettik qyzmetshi biliktilikterin arttyrý maqsatynda semınarlar jáne qaıta daıarlaý kýrstarynan ótti. Iаǵnı, memlekettik jáne ákimshilik laýazymdy qyzmetshiler joǵary bilikti kásibı maman retinde alǵan bilimderiniń arqasynda óz salasynda joǵary quzyrettilike ıe bolyp, eńbek naryǵynda básekege qabilettiligin arttyra alady. Biz memlekettik qyzmetshilerdiń biliktiligin arttyrýmen qatar, strategııalyq oılaýǵa, biryńǵaı quzyrettilik sheńberin kóterýge jáne óńirlik komponentterge basymdyq beremiz, – dedi Á.Nysanbaev.
Ádilet Ádilbekulynyń sózine súıensek, memlekettik qyzmetshilerdiń kásibı deńgeıin joǵarylatý maqsatynda akademııa fılıalynyń bilikti professorlary men dosentteri tarapynan kóptegen dáris qamtylady.
Máselen:
– Sybaılas jemqorlyqqa qarsy;
– Jobalyq basqarý;
– Halyqpen ózara qarym-qatynas mádenıeti;
– Jurtshylyq aldynda jarııa sóz sóıleý;
– Kóshbasshylyq jáne emosııalyq ıntellekt;
– О́zgeris engizetin kóshbasshylardyń júıelik oılaýy jáne latyn grafıkasy negizindegi resmı jazylym syndy dárister oqytylady.
Spıkerdiń málimetinshe, qazirgi tańda 72 joba ázirlenip, 2020 jyldyń jınaq qoryna kirgen. Komıssııa músheleri osy jobalardan eń ózektilerin iriktep, Shymkent qalasy Ákimdiginiń jobalyq keńsesine iske asyrýǵa usynyp otyrady. Iаǵnı, keńse men akademııa fılıaly arasynda tyǵyz qarym-qatynas ornatylǵan.
Aıta keteıik, búgingi epıdemııalyq ahýalǵa baılanysty memlekettik qyzmetshilerdi oqytý úrdisi onlaın formatta júrgizilýde.
