Atalǵan aqparat jaqyn mańda ýchaskeni tekserip júrgen ýchaskelik polısııa ınspektory polısııa kapıtany Dáýren Qamzenovke jetkizilgen. Ol suıyqtyqtyń mánisin anyqtaǵanda bazar jumysshylarynyń biri aýdan turǵynyna bes lıtrlik 16 bótelkedegi aralastyrylǵan 80 lıtr spırttiń bir bótelkesin 2500 teńgege saýdalap turǵanyn anyqtady. Satýshy – buryn isti bolmaǵan 30 jastaǵy qala turǵyny atalǵan alkogoldik ónimdi birer kún buryn belgisiz adamnan satyp alǵanyn aıtady.
Atalǵan fakti boıynsha Ákimshilik quqyq buzýshylyq týraly kodeksiniń 282-baby - «Qazaqstan Respýblıkasynyń etıl spırti men alkogol ónimin óndirýdi jáne onyń aınalymyn memlekettik retteý týraly zańnamasyn buzý» jáne 463-baby «Tıisti tirkeýsiz, ruqsatsyz nemese habarlama jibermeı kásipkerlik nemese ózge de qyzmetpen aınalysý, sondaı-aq áreketterdi (operasııalardy) júzege asyrý» boıynsha materıaldar jınaldy. Tárkilengen alkogoldik ónim sanıtarlyq-gıgıenalyq saraptamaǵa jiberildi. Aldaǵy ýaqytta materıaldar prosessýaldyq sheshim qabyldaý úshin mamandandyrylǵan ákimshilik sotyna joldanady.
