Forým Qazaqstan, Qyrǵyzstan, Tájikstan jáne О́zbekstan elderi uıymdarynyń AITV-ahýaldy adamdar qoǵamdastyǵynyń ókilderi úshin USAID «AITV-men ómir súretin adamdardyń kóshbasshysy» jobasy aıasynda Densaýlyq saqtaý mınıstrlikteri, Respýblıkalyq JITS ortalyqtary, AQSh halyqaralyq damý agenttigi, UNAIDS, PSI, AFIW jáne basqa da halyqaralyq uıymdar qatysýymen ótti.
Is-shara Ortalyq Azııa óńiriniń qaýymdastyǵy men ulttyq uıymdarynyń uıymdastyrýshylyq, jumyldyrý jáne tehnıkalyq áleýetin arttyrý maqsatynda ótkizildi. Qatysýshylar AITV juqtyrǵandarǵa qatysty stıgma men kemsitýshilikti tómendetý boıynsha ózekti tásilderdi engizý, COVID-19 pandemııasy jaǵdaıynda medısınalyq qyzmetterdiń qoljetimdiligi men sapasyn jaqsartý boıynsha neǵurlym oryndy jáne sátti baǵdarlamalardy advokattandyrý, seriktestik pen yntymaqtastyq mehanızmderin kúsheıtý tájirıbesi, sondaı-aq «N=H: anyqtalmaǵan, demek – berilmeıdi» kampanııasyn qoldaý taqyryptaryn talqylady.
- Forým AITV-men ómir súretin adamdarǵa qyzmet kórsetetin uıymdardyń birlesken is-áreketterin talqylaýdyń belsendi platformasyna aınaldy, sonymen qatar qoǵamdastyq kómegimen qyzmetterdiń qoljetimdiligi men sapasy monıtorınginiń nátıjeleri talqylandy, negizgi fandraızıng aspektilerin anyqtaý boıynsha biryńǵaı pozısııa jasap shyǵaryldy, – dedi AITV-men ómir súretin adamdardyń Ortalyq Azııa qaýymdastyǵynyń prezıdenti Nurálı Amanjolov.
Forým jumysynyń qorytyndysy boıynsha AITV ınfeksııasyn emdeýge jáne aldyn alýǵa qol jetkizý máselelerin sheshýge baǵyttalǵan maqsattar kómegimen barlyq elderdi epıdemııany joıýǵa qol jetkizýge shaqyratyn UNAIDS «95h95h95» strategııasynyń negizgi baǵyttaryn kórsetetin qarar qabyldandy. «95h95h95» baǵdarlamasy AITV-men ómir súretin adamdardyń 95 %-na óz AITV statýsyn bilýge, óz statýsyn biletin adamdardyń 95 %-na AITV ınfeksııasynan emdelýge qol jetkizýge jáne AITV ınfeksııasynan emdelip jatqan adamdardyń 95 %-na vırýsty basýǵa múmkindik beredi.
