Baıqaý "Jastar men jas urpaqqa patrıottyq, rýhanı-adamgershilik jáne azamattyq tárbıe berý jumystaryn jetildirý" uranymen ótti.
Baıqaý mýzeıdiń tusaýkeseri, portfolıosymen qamtamasyz etý jáne onlaın-ekskýrsııalar júrgizý, baspa basylymdary úshin beınematerıaldar qurý, UOS ardagerleri men tyl eńbekkerleri týraly suhbat jáne mýzeı materıaldary, ekspozısııalar men kórmeler negizinde "Bir eksponat tarıhy" sıklynan beınematerıaldar, onlaın-ekskýrsııalar daıyndaý syndy úsh kezeńnen turdy.
"Polısııa departamentiniń mýzeıi - bul óte aýqymdy, shyǵarmashylyq jumystyń nátıjesi. О́ıtkeni, mýzeı óte mańyzdy mıssııany - bilim berý mıssııasyn oryndaıdy. Baıqaýda kóp satyly irikteýden ótken jeńimpazdar anyqtaldy. Birinshi oryndy Petropavl mýzeıi, ekinshi oryndy Almaty qalasy men Aqmola oblysynyń mýzeıi jáne úshinshi oryndy Mańǵystaý oblysy PD mýzeıi ıelendi", dedi Mańǵystaý polısııasynyń bastyǵy J.Baqtybaev.
Sertıfıkat pen dıplomdy saltanatty túrde tabys etý Polısııa departamentiniń mýzeıinde ótti. Qazaqstan Respýblıkasy Ishki ister mınıstri Erlan Turǵymbaevtyń atynan departament basshysynyń orynbasary B.Aqshaýov quttyqtap, mýzeı basshysy A.Álekeshevany marapattady.
"Jaqsy vedomstvolyq mýzeı halqymyzdyń uly erliginiń dáleldemelerin saqtap qana qoımaı, qyzmetkerlerdi, stýdentter men mektep oqýshylaryn tarıhty óz betinshe oqýǵa ıtermeleıdi jáne urpaqtar sabaqtastyǵyn qamtamasyz etedi. Jaqsy mýzeı salý ońaı sharýa emes. Biz bul úshin sizge shyn júrekten rızamyz", dedi Mańǵystaý oblysy DP basshysynyń orynbasary B.Aqshaýov.
Marapattaý rásiminen keıin barlyǵyna "Bir eksponat tarıhy" sıklynan beınematerıaldar kórsetilip, mýzeıge ekskýrsııa jasaldy.
Mańǵystaý polıseıleri mýzeıi ekspozısııalar men kórmeler, qorlar, zertteýler, ǵylymı jáne bilim berý baǵyttary boıynsha jumys jasaıdy, birneshe jyl ishinde munda biregeı tarıhı eksponattar, adal dostar, qamqor kómekshiler bagajy jınaqtaldy. Mýzeı óziniń kúndelikti qyzmetinde mádenı-aǵartýshylyq, ekskýrsııalyq jáne kórme jumystaryn uıymdastyryp, túrli is-sharalar men ashyq esik kúnderin ótkizedi.
Mańǵystaý oblysy
