1. Agent banktiń kassasynan qolma-qol aqshamen;
2. Aqshany agent banktegi bank shotyna nemese kez kelgen basqa bankke aýdarý arqyly.
О́temdi alý tásilin salymshylary ózderi tańdaıdy.
Tólem bastalǵan kúnnen beri (25 qyrkúıek) QDKBQ men Eýrazııalyq bank buqaralyq aqparat quraldary, áleýmettik jeliler jáne baılanys ortalyqtary arqyly «Tengri Bank» AQ salymshylary arasynda aqparat berý-túsindirý jumystaryn belsendi túrde júrgizip keledi. 10 kún ishinde QDKBQ baılanys ortalyǵynyń 1460 qysqa nómirine salymshylar tarapynan 418 ret qońyraý shalyndy. Olarǵak berilgen jaýaptardyń kópshiligi kepildik berilgen ótemdi alý tártibi, merzimi jáne tásilderi jaıynda boldy.
«Tengri Bank» AQ salymshylary kepildik berilgen ótemdi 2021 jyldyń 30 qyrkúıegine deıin Eýrazııalyq banktiń jeke tulǵalarǵa qyzmet kórsetetin barlyq bólimshelerine kelip ala alady. Agent banktiń barlyq qalalardaǵy fılıaldary men bólimsheleriniń mekenjaılary jáne jumys tártibi týraly aqparat www.eubank.kz resmı saıtynda qoljetimdi. Kórsetilgen merzim aıaqtalǵan soń, bank salymshylary kepildik berilgen ótemdi alý úshin tikeleı Qorǵa ótinish bere alady.
QDKBQ ótemdi depozıttegi qaldyq somanyń, bank shoty nemese tólem kartochkasyndaǵy aqshanyń kóleminde, biraq kepildik berilgen eń joǵary soma aıasynda óziniń arnaıy rezervinen tóleıdi, ıaǵnı:
· teńgedegi jınaq depozıtter boıynsha – 15 mln teńgeden;
· teńgedegi basqa depozıtter boıynsha – 10 mln teńgeden;
· shetel valıýtasyndaǵy depozıtter boıynsha – valıýta balamasynda 5 mln teńgeden aspaıdy («Tengri Bank» AQ lısenzııasynan aıyrylǵan kúni belgilengen valıýta aıyrbastaý baǵamy boıynsha).
Jeke tulǵa nemese jeke kásipkerdiń bankte túri men valıýtasy boıynsha eki jáne odan da kóp kepildendirilgen depozıtteri bar bolsa, QDKBQ olar boıynsha 15 mln teńgeden aspaıtyn kólemde kepildik berilgen jıyntyq ótem tóleıdi. Bul rette shetel valıýtasyndaǵy depozıttiń 5 mln teńgeden aspaıtyn kepildendirilgen qaldyǵy boıynsha shekteý eskeriledi.
