Qazaqstanda avtobýs parki jańartylýda

Qazaqstannyń qalaaralyq jáne ob­lysishilik jolaýshy tasymaldaý máse­leleri de kúrdeli jaǵdaıda. Bul ba­ǵyttarda 30 jyldan asqan jáne odan da eski tehnıkany jıi kezdestirýge bolady.

О́zderiniń parkterin bel­sendi jańar­tý boıynsha aldyń­ǵy qa­tarly óńirler arasynda Nur-Sultan, Shymkent qala­la­ry jáne Aqmola oblysy tur. Sol­tústik Qazaqstan, Jambyl jáne Qaraǵandy oblystary da aýqymdy jańartýdy keıinge qal­­dyrǵan joq. Máselen, Qara­ǵandy oblysynyń ákimi Jeńis Qasymbektiń tapsyrmasy boıynsha, óńirde jyl sońyna deıin 275 birlik qoǵamdyq kólik jańar­tylady.

Jolaýshylar qaýipsizdiginiń deńgeıin arttyrý jáne elimizdiń qalalary men oblystarynda ekologııanyń saqtalýy maq­sa­tynda Indýstrııa jáne ınfra­qurylymdyq damý mınıstrligi «QDB-Lızıng» AQ birlese otyryp, qoǵamdyq kólikti otan­dyq avtobýstarmen jańartý jáne jetildirý jónindegi baǵdar­lama­syn júzege asyrýda. Búginde eli­mizde avtobýstar men elektr avto­býstaryn shyǵaratyn bir­neshe zaýyt jumys isteıdi. Shy­ǵa­­rylatyn tehnıkanyń kólemi bo­ıynsha qostanaılyq «SaryarqaAvtoProm» kóshbasshy bolyp sa­nalady, ıaǵnı búginge deıin atal­ǵan zaýy­t 2 413 birlik tehnı­kany ón­dirdi. Bı­yl zaýyt Yutong jáne Ankai avto­býs­ta­ry men elek­tr avtobýstarynyń 713 bir­­ligin jetkizdi.

Qazaqstandaǵy alǵashqy «Daewoo Bus Kazakhstan» qoǵamdyq kólik shyǵaratyn zaýyty negizi qalanǵan sátten bastap

1 613 birlik tehnıka shyǵardy. Aǵymdaǵy jyldyń alǵashqy 8 aıynda kásiporyn Daewoo markaly avtobýsynyń 266 bir­ligin shyǵardy.

Hyundai Trans Auto kommersııalyq tehnıkasyn shyǵaratyn zaýyttyń kólemi 1 myńnan astam birlikti quraıdy. 2019 jyly zaýyt 78 avtobýsty shyǵa­ryp, Golden Dragon markaly avto­býs­­taryn qurastyra bastady. Bú­gin­de kásiporyn qoǵamdyq kóliktiń shanaqtaryn dánekerleý jáne boıaý boıyn­sha seh­tar­dyń qurylysyn júrgizýde, onda kon­veıerden elektr avtobýstary men trolleıbýstar shyǵatyn bolady.

Jaqynda Semeıdegi «SemAZ» zaýyty óz óndirisin uıymdastyrdy, ol bıyl 160 GAZ jáne Dong Feng avtobýstaryn shy­ǵardy.

Qalalyq jáne óńiraralyq qoǵamdyq kóliktiń balamaly otyny bar tehnıkanyń ekologııalyq taza túrine kóshýiniń álem­dik úrdisi birte-birte Qazaqstanǵa da enip keledi. Qazirdiń ózinde Nur-Sultan, Pavlodar jáne Aqtaý qalalarynda otan­dyq elektr avtobýstarynyń baǵyttaryn kezdestirýge bolady. Eldiń kórikti oryn­dary – Býrabaı sııaqty kýrorttyq aımaqtar da jaqyn arada ekologııalyq taza kóliktiń túrine aýysýy múmkin.

Elektr avtobýstaryn damytýdy Qaraǵandy oblysynyń Saran qalasynda salynyp jatqan Yutong jolaýshylar jáne arnaıy tehnıkasyn shyǵaratyn «QazTehna» zaýyty qoldaıdy. Jańa zaýyt jylyna shamamen 1200 birlik avtobýs pen 400 birlik arnaıy tehnıka shyǵarýdy josparlap otyr.