"Qazirgi kezde dándi jáne dándi-burshaqty daqyldardy jınaý boıynsha jalpy egin jınaý alańy 99,5 paıyzǵa aıaqtalǵanyn baıandaýǵa ruqsat etińizder. Respýblıka boıynsha egin jınaý alańy 15,8 mln gektardy qurady, gektaryna 12,8 sentner ortasha ónimdilikpen 20 mln tonna astyq bastyryldy. Dándi jáne dándi-burshaqty daqyldar óndirisiniń alynǵan kólemi eldiń ishki qajettiligin tolyqtaı qamtamasyz etýge jáne 7-8 mln tonna astyq kóleminde eksporttyq áleýetti iske asyrýǵa múmkindik beredi", deıdi S.Omarov.
Aýyl sharýashylyǵy mınıstriniń aıtýynsha, egin jınaý jumystary ótken jylǵa qaraǵanda bir aı buryn erte aıaqtalǵan. Buǵan qolaıly aýa-raıy men sharýalardyń tehnıkalyq daıyndyǵy yqpal etip, 2019 jylmen salystyrǵanda elevatorlarǵa 1 mln tonna astyq ákelgen. Bul rette kelip túsken astyqtyń 80 paıyzynyń sapalyq sıpattamalary joǵary, al 2019 jyly bul kórsetkish 54,4 paıyzdy ǵana quraǵanyn atap ótti.
