"Qazir eldegi ahýaldy Bas sanıtarlyq dáriger baqylaýda ustap otyr. Bas sanıtarlyq dárigerdiń ár óńirlerde óziniń sanıtarlyq dárigerleri bar. Búginde árbir óńirdiń jaǵdaıy ártúrli. Máselen, Almaty qalasynda jaǵdaı sál órship ketetin bolsa, sol óńirdiń sanıtarlyq dárigeri qaýly shyǵarady. Solaı sanıtarlyq is-sharalardy kúsheıtedi", deıdi ol.
Sondaı-aq Nur-Sultan qalasy qatań karantındik rejimge jabylady degen aqparattyń shyndyqqa janaspaıtynyn aıtyp ótti.
"Búginde tek Atyraý oblysynda ǵana 4 blokbeket qoıylǵan. Onyń ózinde ol blokbeketter Atyraý oblysynyń kásiporyndarynda ornalasqan. Iаǵnı ol jerdegi shekteý normalary sanıtarlyq dárigerlerdiń nusqaýymen qoıyldy. Al basqa oblystarda blokbeketter qoıylmaǵan. Sondaı-aq bizde árbir óńirde óziniń operatıvti shtaby bar. Ol sol aımaqtyń ákimdigine qaraıdy. Eger jaǵdaıı ýshyǵyp ketse, sol shtabta talqylanyp, ári qaraı ákimdikke jetkiziledi. Osyǵan sáıkes sanıtarlyq dáriger qaýly shyǵarady. Osyǵan baılanysty ákimshilik tarapynan jasaqtalǵan monıtorıngtik top jedel áreket etip, barlyq tıesili qorǵanys kúshterin, ıa bolmasa blokbeketterdi ornatýǵa saqadaı-saı", deıdi Nurdildá Oraz.
Indettiń bastapqy kezeńinde ár aımaqta jalpy 400-ge jýyq blokbeket qoıylǵanyn jáne kúnine shamamen 10 myńdaı qyzmetker, sonyń ishinde 5 myń áskerıler jumys istegendigin qosa ketti.
