19 jastaǵy Qaraǵandy fýtbol mektebiniń túlegi byltyr «Shahter» quramynda óner kórsetip, 2019 jylǵy fýtbol maýsymynyń sońynda komandadan ketken bolatyn. 2020 jyldyń basynda Horvatııanyń «Haıdýk» klýbyna aýysýǵa jaqyn turǵan edi, alaıda horvattar ony transfer kezeńi jabylǵanǵa deıin komanda tizimine qosyp úlgermedi.
Byltyr Qazaqstan jastar quramasynyń eń úzdik oıynshylarynyń biri atanǵan Bachek jyl basynan beri klýbsyz qalǵan soń U-21 quramyna shaqyrtý alǵan joq. Aıta keteıik, otandasymyz dop tebetin «Poblense» klýby Ispanııanyń B Segýndasynda (deńgeı boıynsha úshinshi lıga) óner kórsetedi. Atalǵan komanda óz alańyndaǵy oıyndaryn «Noý Kamp de Sa Pobla» stadıonynda ótkizedi.
