"Kadrlardy daıarlaý sapasyn jumys berýshi negizgi tutynýshy retinde aıqyndaýǵa tıis, eger ol qanaǵattandyrylmasa, onda bul JOO-ny lısenzııa bergen (BǴM) tarap neǵurlym muqııat tekserip, sodan keıin ǵana baryp lısenzııalardy qaıtaryp alýǵa negiz bolady", - dedi spıker.
Erlan Sydyqovtyń aıtýynsha, JOO qyzmetiniń sapasyn baǵalaýdyń taǵy bir quraly ınstıtýsıonaldyq akkredıtteý bolyp tabylady.
"Eger JOO akkredıttelgen bolsa, al BǴM tarapynan josparly nemese jospardan tys tekserý barysynda eleýli kemshilikter tabylsa, onda agenttikti akkredıtteý organdarynyń Ulttyq tiziliminen shyǵarý týraly másele zańdy túrde qoıylýy tıis. Áıtpese, eger ol obektıvti baǵa bermese, bul prosedýra nege qajet?", - dedi EUÝ rektory.
Sondaı-aq spıker joǵary oqý oryndaryn ońtaılandyrý básekelestikti arttyratynyna toqtaldy.
"Joǵary oqý oryndarynyń sanyn qysqartý talapkerler men POQ arasynda básekelestiktiń artýyna, odan ári bilim berý sapasynyń jáne jalpy básekege qabilettiliktiń artýyna alyp keledi. Al dıplomdardy "basyp shyǵarý", el Prezıdenti atap ótkendeı, joǵary bilimniń devalvasııasyna ákelýi múmkin", - dedi Qazaqstan Respýblıkasy Joǵary oqý oryndary rektorlary keńesiniń tóraǵasy.
