Elordadaǵy álemdik tennıs básekesi

Týrnır 2020 jyldyń 25 qazany men 1 qarasha aralyǵynda ótedi jáne álemdik reıtıngtiń TOP-100 tennısshiniń qataryndaǵy 60-tan asa qatysýshy baq synaıdy. Qazirdiń ózinde álemniń eń myqty degen bir­qatar tennısshisi Nur-Sultanǵa ke­letini málimdeldi. Atap aıtar bol­saq, Benýa Per (26), Adrıan Mannarıno (39), Djon Mıllman (43) jáne taǵy basqa da tennısshiler jarys kórigin qyzdyrmaq. Al elimizde tuńǵysh ret uıymdastyrylyp jatqan halyq­aralyq dodaǵa Qazaqstan ulttyq qu­ramasynyń úzdikteri – Alek­sandr Býblık (49), Mıhaıl Ký­kýsh­kın (88) jáne Dmıtrıı Popko (171) qa­­tysady.

«Qazaqstan tennıs federasııa­synyń jumysy ATR-diń joǵary baǵasyna ıe boldy. Oǵan Qazaqstan astanasynda osyndaı iri jarystyń ótýi dálel bola alady. Bul bizge be­rilgen úlken múmkindik jáne týrnırdi joǵary deńgeıde ótkizýge bar kúshimizdi jumsaımyz. Buǵan barlyq jaǵdaı jasalǵan», deıdi Qazaqstan tennıs federasııasynyń prezıdenti Bolat О́temuratov.

Álemdik ATR 250 týrnıri negizi jyl saıyn 40-qa jýyq jarys uıym­dastyratyn. Alaıda bıylǵy pandemııa jaǵdaıynda jarys sany qysqaryp, búginge deıin nebári 17 doda uıymdastyryldy. Al Nur-Sul­tanda ótetin halyqaralyq báseke osy maýsymdaǵy sońǵy jarys bolmaq. Sondaı-aq bul tennıs­shi­lerdiń ATR reıtınginde 250 upaı oljalap qalýyna da sońǵy múm­kindik.

Týrnırdi ótkizý kezinde sa­nı­tar­lyq-epıdemııalyq qa­ýip­sizdiktiń joǵary sharalaryn eskere otyryp, oıyndar kórermensiz já­ne qatań hattama aıasynda ótedi. «Astana Open uıymdastyrýshylary oıyn­shylardyń qaýipsizdigin barynsha qamtamasyz etý maqsatynda birqatar shekteý sharalaryn engizgen. Jarys ótetin «Dáýlet» ulttyq tennıs or­ta­lyǵynyń aýmaǵy PTR-dıagnos­tıkaǵa arnalǵan arnaıy jyljymaly zerthanalarmen jáne termoskanerlermen jabdyqtalady. Sonymen qatar oıynshylardyń, uıymdas­tyrýshylar men qyzmetkerlerdiń qajetsiz baılanys týǵyzbaıtyn qa­tań marshrýttar daıyndaldy», deıdi Qazaqstan tennıs federasııasynyń vıse-prezıdenti Iýrıı Polskıı.

«Bizdiń barlyq matchty onlaın-translıasııa rejiminde kórsetemiz. Halyqaralyq seriktesimiz IMG kom­panııasy álemniń barlyq negizgi óńir­lerinde translıasııany taratady. Al Qazaqstan aýmaǵynda eksklıýzıvti habar taratý quqyǵy Qazsport telearnasyna tıesili. Qazirgi tańda da­ıyndyq jumystary júrip jatyr, alda bizdi qyzyqty matchtar kútip tur», dep sendirdi týrnırdiń dırektory Atılla Rıhter.

Sonymen qatar Ulttyq tennıs ortalyǵynyń aýmaǵynda vırtýaldy baspasóz ortalyǵy jumys isteıdi. Bul qazaqstandyq jáne halyqaralyq buqaralyq aqparat quraldarynyń baspasóz konferensııalaryna, oıyn­shylarmen eksklıýzıvti suhbat alýǵa jáne Astana Open sheńberinde kózdelgen tennısshilerdiń is-shara­larǵa erkin qol jetkizýge tolyq múm­kindik qarastyrylǵan.

Aıta keteıik, Qazaqstannyń tennı­s federasııasy jyl saıyn 50-ge jýyq halyqaralyq týrnır ót­ki­zedi. Olardyń qatarynda Prezı­dent kýbo­gi men Devıs kýbogi bar.