Davıd Grıgorevıch qalanyń fýtbol mektebiniń túlegi jáne Qazaqstan quramasynyń rekordsmenderiniń biri. Lorııa fýtbol mansabynda "Jeńis", "Esil", "Shahter", "Ertis", "Qaırat", "Ordabasy" jáne "Lokomotıv" klýbtarynyń namysyn qorǵap, 2009 jyly astanalyq ujym sapynda komandamen kúmis medaldy jeńip aldy. Ol sondaı-aq túriktiń "Rızespor", "Karshııaka", shvesııalyq "Halmstad" jáne reseılik "Spartak Nalchık" klýbtarynyń namysyn qorǵaǵan.
Eks-qaqpashynyń enshisinde jalpy sany úsh chempıondyq tıtýl bar. Lorııa Qazaqstan jastar quramasy sapynda Nıgerııada ótken Álem chempıonatyna qatysyp, ulttyq qurama sapynda 45 oıyn ótkizdi.
Davıd 2019 jyly fýtboldaǵy mansabyn aıaqtaǵan soń, qurama komandalardyń burynǵy oıynshylary úshin qurylǵan UEFA MIP fýtbol menedjmenti baǵdarlamasy boıynsha kýrstarǵa tústi.
