Kóbine, qalalyqtar tynyshtyǵyn buzǵan shýly kórshilerine shaǵymdanyp jatady. "Túngi otyrysty táýir kórip, kórshileriniń mazasyn alǵan qylyqtar jumys kúnderi saǵat 22-den tańǵy 9-ǵa deıin, demalys jáne mereke kúnderi saǵat 23-ten tańǵy 10-ǵa deıin ákimshilik jaýapkershilikke tartýǵa negiz bolady. Oǵan ÁQtK 437-babymen 13 myń teńge mólsherinde aıyppul túrindegi jaza kózdelgen. Eger osyndaı quqyq buzýshylyq qaıtalanyp jasalsa, aıyppulda eki ese bolady. Kásipkerler men ózge uıym ókilderine aıyppul sanksııasy 55 myń teńge", deıdi PD Jergilikti polısııa qyzmeti basqarmasy bastyǵynyń orynbasary Aleksandr Rozbah.
Jyl basynan beri 1862 soltústikqazaqstandyq tynyshtyqty buzǵan kórshilerine shara qoldanýúshin polısııaǵa júgingen. Olardyń basym bóligi oblys ortalyǵynda, tynyshtyqty buzǵan 155 adam qaıta jaýapqa tartylǵan. Sonyń ishinde táýliktep jalǵa beriletin páterlerdegi tynyshtyqty buzý faktileri jaıly jıi habar túsedi. Kópqabatty úılerde túrli quqyq buzýshylyqpen tıimdi kúresýde jańa tehnologııalardyń, ásirese úılerdegi podezder boıynsha WhatsApp jelisinde qurǵan chattardyń kómegin atap ketken jón. Barlyq kórshiler qosylǵan toptardaǵy kópshiliktiń narazylyqtary tıimdi nátıjesin beredi. Osyndaı hat almasýlarda kórshiler qoqys tastaý, ruqsat etilmegen jerge kólikti qoıý, tynyshtyqty buzýfaktilerin talqyǵa salady.
