«Planeta qaýipsizdigin paıymdaý» (Almatyda brıtandyq fotograf Mendı Barkerdiń kórmesi ashyldy)

Bul týyndylar barsha adam­zatqa sulýlyqty kútpegen jer­den de kórýge bolatynyn kórsetti. Onyń jumysynyń bire­geıligi – qaldyqtardy keremet óner týyndylaryna aınaldyrý. Kórermenderdiń kóbi aldynda turǵan plastıkalyq beınelerdiń fotosy ekenin birden túsine almaıdy.

Barkerdiń fotosýretteri áser­li. Onyń jumystary 40-tan astam eldiń baspalarynda, sonyń ishinde National Geographic jýrnaly, TIME jýr­naly, The Guardian, The Financial Times jáne basqa da kóptegen baspasózde jarııalandy. M.Barker BUU-nyń shtab-páterinde, Londondaǵy Vıktorııa men Albert murajaıynda jáne Gonkongtaǵy ǵylymı-tehno­lo­gııalyq parkinde, jalpy álem boıynsha kóptegen kórme ótkizdi.

Batyl da kórkem kózqaras jáne jetekshi ǵalymdarmen, jalpy qoǵammen jáne eń bedeldi tabıǵat qorǵaý uıymdarymen yntymaqtastyq Mendı Barkerdi biregeı fotograf ári belsendi retinde tanytty. Ol mańyzdy álemdik saıası jáne ekologııalyq konferensııalarda sóz sóıledi, Stenford ýnıversıtetinde dáris oqydy. Barker jumysynyń maqsaty – biz ómir súrip otyrǵan álemge qamqorlyqtyń mańyzyn jáne bolashaq urpaqqa tabıǵatty saqtaý qajettiligin kórsetý.

– Qazir Qazaqstanda qorsha­ǵan ortany qorǵaý máselelerine kóbirek kóńil bólinetini qýan­tady. Biz Mendı Barkerdiń tu­tyný jaýapkershiligi týraly týyn­dylaryn taǵy bir ret eske salyp, jastardy ekologııalyq máseleler boıynsha tárbıeleýdi kózdedik, – deıdi Telli Kazakhstan dırektory Janar Alenova.

Qazaqstandyqtardy zamanaýı fotosýret shedevrlerimen tanystyrý úshin 2015 jyly Almatyda Telli galereıasy ashyl­dy. Jahandyq ekologııa taqyryby – Telli Gallery kór­me baǵdarlamasyndaǵy bas­ty taqyryptardyń biri. О́ner qarym-qatynastyń bir túri retinde tárbıeleýge jáne qa­jet­ti aqparat berýge qabiletti. Mendı Barker plastıkti tutyný men onyń zııandy áseri týraly óziniń týyndylary arqyly ózgelermen qatynasqa shyǵady. Kórmeniń kishkentaı kelýshileri úshin álemniń úlken kartasy jasaldy, onda balalarǵa qoqysty durys suryptaýdy oıyn túrinde úıretedi.

Dostyq dańǵyly, 250 meken-jaıy boıynsha ornalasqan Tellı galereıasy Ulybrıtanııadaǵy eń tanymal fotograf jumysynyń ǵajap estetıkasyn baǵalaýǵa shaqyrady.