Mádına Dýman "Qytaı daýysy" jobasynda Dımash Qudaıbergenniń "Umytylmas kún" ánin aıtqan edi.
"Búgin bizdiń qaryndasymyz Mádına Dýmannyń ádemi daýysyn estidim. "Qytaı daýysy" jobasynyń tálimgeri Lı Szıan myrzaǵa meniń ánimdi tańdaǵany úshin alǵys aıtqym keledi. I am singer jobasynda aýyryp qalǵanym esińizde shyǵar, maestro Lı. Jobaǵa qatysýshy retinde siz maǵan sırek kezdesetin dári-dármekterdi ákelip, meniń tezirek jazylýymdy qalap edińiz", deıdi Dımash.
Sondaı-aq Dımash Mádınaǵa aldaǵy jarystarda sáttilik tilep, júrekjardy lebizin jetkizdi.
"Mádınaǵa meniń ánimdi tamyljyta oryndaǵany úshin shyn júrekten alǵys aıtqym keledi. Bul ándi qalaǵan jerde aıtyńyz. Mundaı ándi sen sııaqty keremet ánshiniń oryndaýy men úshin úlken baqyt. Mádınaǵa sáttilik tileımin. Seniń ataqty bolatyndyǵyńa senemin", deıdi ol.
