Aýdandyq ortalyq aýrýhana dırektory Gúlshara Begnııazovanyń habarlaǵandaı, merdiger mekeme aýrýhana janynan boı kótergen ottegi stansasynyń qurylysyn 10 kúnde aıaqtaǵan.
Munda 5 bólimshe bar. Ár tósek orynǵa ottegi jetkizý qamtamasyz etildi. Sonyń ishinde terapııa bólimshesine 14, hırýrgııa bólimshesine 8, balalar bólimshesine 8, bosandyrý bólimshesine 8, juqpaly aýrýlar bólimshesine 12 oryn ottegimen jabdyqtandyryldy.
"Sonymen qatar Jetibaı aýyldyq aýrýhanasynyń janynan da osyndaı ottegi gazdandyrý stansasynyń qurylysy bastaldy. Oblystyq densaýlyq saqtaý basqarmasynan bólingen qarajat esebinen salynǵan bul stansa indetke shaldyqqan, tynys alýy qıyndaǵan naýqastardy emdeýge baǵyttalady", dedi Gúlshara Begnııazova.
