"Jedel-izdestirý is-sharalary barysynda onyń esirtki satýǵa qatysy bar ekeni anyqtaldy. Al ustalǵan kezde kúdiktiden 30-dan astam bir rettik marıhýana dozalary tárkilendi", - dedi oblystyq Polısııa departamenti bastyǵynyń orynbasary Talǵat Shaıahmetov.
Kúdikti ýaqytsha ustaý ızolıatoryna qamaýǵa alyndy. Oqıǵaǵa baılanysty Qylmystyq kodekstiń 297-baby, 1-bóligi boıynsha sotqa deıingi tergep-tekserý amaldary júrgizilip jatyr. Atalǵan baptyń sanksııasynda 10 jylǵa deıin bas bostandyǵynan aıyrý jazasy kózdelgen.
Atap ótsek, 2020 jyldyń basynan beri Shyǵys Qazaqstan oblysynyń Esirtki qylmystaryna qarsy is-qımyl basqarmasynyń qyzmetkerleri 170 esirtki qylmysyn, onyń ishinde 141 esirtki satý faktisin anyqtaǵan. Jyl basynan beri 222 keli ártúrli esirtki túrleri, onyń ishinde 3,7 keli psıhotroptyq zattar tárkilendi.
