Habar jas kınematograftarǵa avtorlyq kıno janryn kásibı turǵydan talqyǵa salatyn, sol arqyly otandyq kıno problemalaryn kóteretin qazaqtildi telealań usynýdy kózdeıdi. Osy maqsatta baǵdarlamaǵa ataqty metrlar ǵana emes, kıno akademııasynyń joǵary kýrs stýdentteri, jas rejısserlar men yntaly kórermen shaqyrylady.
"Avtorlyq fılmderdi satyp alý kommersııalyq turǵydan tıimsiz bolǵandyqtan, kınoprokatqa shyqpaıdy, alaıda, bul týyndylar álemdik kınofestıvalderde naǵyz óner jaýhary retinde moıyndalǵan. О́kinishke qaraı, áli kúnge deıin olardyń kóbi qazaqtildi kórermenge usynylǵan joq. Sol sebepti "Sońǵy mýza" habaryn "Qazaqstan" teleradıokorporasııasy tarapynan júzege asyrylyp otyrǵan úlken eksperıment ári aǵartýshylyq bıik maqsatty kózdeıtin joba dep esepteýge bolady", deıdi baǵdarlama júrgizýshisi D.Ábdik.
"Abai tv" arnasy jalpy 130-dan astam sheteldik fılmdi qazaq tiline aýdaryp usynbaq. Onyń ishinde "Oskar" ıegeri "Korol sózi", "Quldyqtaǵy 12 jyl", "Aspan balalary", "Úzdik áıel róli" atalymy úshin "Altyn globýs" júldesin alǵan "Jan aınasy" fılmderi, Ch.Chaplınniń "Úlken qala ottary", "Jańa dáýir", ırandyq rejısser A.Kıarostamıdiń "Shıeniń dámi", "Bárimizdi jel ushyrady", "О́mir-ózen", amerıkalyq rejısser M.Flenagannyń "Áýen qudireti", amerıkalyq kınematografıst D.Leonettıdyń avtorlyq týyndylary bar.
Baǵdarlama barysynda kórermenge kıno tiliniń allegorııasy, kartına jelisinen tys qalatyn operator jumysynyń erekshelikteri, montaj barysynda paıdalanylǵan ádister kásibı turǵydan túsindiriledi.
Joba "Abai tv" arnasynan 16 qazannan bastap ár juma saıyn 22:20-da efırge shyǵady.
