Konferensııaǵa qatysýshylar Zarqyn Taıshybaıdyń Soltústikte jýrnalıstıka mektebiniń negizin qalap qana qoımaı, ǵylymı izdenistermen aınalysqanyn da atap ótti. Osy ýaqyt aralyǵynda ol 10 monografııa, 12 oqýlyq, 250-ge tarta maqala jazǵan. "Etnomádenı zertteýler" ǵylymı ortalyǵyn ashyp, Abylaı han, Abaı men Maǵjan ómiri men shyǵarmashylyǵyna arnalǵan qundy eńbekter jazǵan. Sonymen qatar ol 5-7-synyp oqýshylaryna arnalǵan "О́lketaný" oqýlyǵynyń avtory. Alashtaný baǵytynda da kóp eńbektenip, olardyń esimderiniń jańǵyrýyna eńbek sińirgen.
Zarqyn Syzdyqulyn mereıli qyzmetimen oblys ákimi Q.Aqsaqalovtyń atynan orynbasary Ǵanı Nyǵymetov, SQÝ rektorynyń mindetin atqarýshy Nurlan Báıimbetov, oblystyq ardagerler keńesiniń tóraǵasy Eskendir Eleýsizov, fılologııa ǵylymdarynyń doktory Baýyrjan Jaqyp, ál-Farabı atyndaǵy Qazaq Ulttyq ýnıversıtetiniń dekany Saǵatbek Medeýbekuly jáne taǵy basqalary quttyqtap, arqasyna shapan japty.
Z. Taıshybaı qazir Qazaqstanǵa eńbek sińirgen qaıratker, professor. Osy konferensııada oǵan Qazaqstan Joǵary mektepteri akademııasynyń akademıgi ataǵy berilgeni jarııa etildi. Is-sharany ýnıversıtettiń prorektory Aqmaral Ybyraeva júrgizip otyrdy.
PETROPAVL
