Bóribaevtyń biregeı jobasy

Otanymyzda da, shetelderde de Alan Bóribaevty eń bıik deńgeıdegi maestro retinde tanıdy. Onyń dırıjer tuǵyryndaǵy ózgeshe óneri tórtkúl dúnıeni áldeqashan tańdaı qaqqyzyp úlgergen. Endi mine, sońǵy eki jylda jurtshylyq talqysyna júıeli túrde usynyp kele jat­qan álemdik mýzykalyq qaýym­dastyq arasynda rezonans týdy­ratyn biregeı avtorlyq jo­balary da dırıjerdi jańa qy­rynan tanytty desek, artyq aıtqandyq emes. Olardyń ishinde Qazaqstan, Italııa jáne basqa elderden kelgen myńnan astam mýzykanttardyń oryndaýyndaǵy Gýstav Malerdiń №8 sımfonııa­sy, Karl Djenkınstiń SHINE ASTANA saltanatty odasy bar. Jyldyń basynda qoıylǵan «Ita­­lııadan kelgen hattar» ope­ralyq-sımfonııalyq kon­ser­ti tyń­dar­mandardyń ys­tyq yqy­lasyna bó­lenip, júrek­te­rinen oryn aldy. Asqaq óner­diń jankúıerleri maestrodan shyǵarmashylyq tar­týlardyń jal­ǵasyn asyǵa kútti. Qalyń tyńdarmannyń tilegi hám qýa­ny­shyna oraı, 17 jáne 18 qazan kúnderi «Astana Opera» sahnasynda ótken «Moler, Volter jáne Bomarshe nemese Fransýz komedııasynyń negizin salýshylar» atty tartymdy baǵ­darlama sol údeden tolyq shyqty.

Jobanyń ózgesheligi – konsertte Jan-Batıst Molerdiń «Meshanın vo dvorıanstve» ko­medııasynyń erkin oqylýynda, maestronyń ózi jasaǵan monolog nusqasy Rıhard Shtraýstyń osy komedııaǵa arnap jazǵan mýzykasynan sıýıtamen birge shyrqaldy. Ár jyldary atal­ǵan pesadaǵy mýzykalyq já­ne dramalyq bastaýlardy úıles­tirý tujyrymdamasyn maes­tro A.Bóribaev Baltımor (AQSh), Dýblın (Irlandııa), Maı­nın­gende (Germanııa) usynyp, óner­súıer qaýymnyń zor qyzy­ǵýshy­lyǵyn týdyrǵan bolatyn.

Mýzykalyq monologtyń ne­gizgi qaharmany Molerdiń ke­ıipkeri Jýrden myrza ekenin atap ótken jón, Alan Bóribaev ony kúlkili, súıkimdi, sóıte tura ańqyldaq ári pań minezdi adam retinde kórgen. Bas keıip­kerdiń tula boıy balalyq bilim­qumarlyq pen balaǵa tán ǵashyq bolǵyshtyq qasıetterge toly. Maestro Jýrdenniń zııa­ly ortalarda tanylýǵa degen toqtamsyz qumarlyǵyn kórse­týdegi Molerdiń qoltańbasyn saqtap qalǵan. Barlyq oqıǵa osynyń aınalasynda órbıdi. Jýrden myrzany orkestr mýzykanty Áset Neldibaev somdady.

Mýzykalyq keshti fransýz komedııasynyń altyn ǵasyrynyń klassıkteri Moler, Volter já­ne Bomarsheniń mátinderine ja­zylǵan shyǵarmalar usyny­l­ǵan mazmundy baǵdarlama jal­ǵastyrdy. Sonymen qatar tal­ǵampaz jurtshylyq nazaryna Volter, L.Bernstaın, P.Bomarshe, V.Mosart, Moler, R.Shtraýstyń ómiri men shyǵar­mashylyǵy týraly ocherkter usynyldy. Ádebı arqaý kon­sert­tiń mýzykalyq maz­munyn ásemdikpen kómkerdi. «Astana Opera» sahnasynda alǵash ret konserttik baǵdarlama aıasynda V.Mosarttyń «Fıgaronyń úı­lený toıy» operasynan ekinshi bó­limniń fınaly oryndalǵanyn atap ótý kerek.

Keshke Qazaqstannyń eńbek sińirgen qaıratkerleri Talǵat Musabaev, Aıgúl Nııazova, Bash­qurtstan Respýblıkasynyń eń­bek sińirgen ártisi Álfııa Ká­rimova, «Qurmet» ordeniniń laý­rety Aızada Qaponova, halyq­aralyq baıqaýlardyń laýreattary Talǵat Ǵaleev, Evgenıı Chaı­nıkov, Gúljanat Sapaqova, Erjan Saıypov, Shyńǵys Ra­sylhan, Erulan Kámel jáne taǵy da basqa óner maıtalmandary qatysty. Konserttiń rejısseri – Erenbaq Toıkenov.